Мәселе

Урбанистика басқармасы алматылықтарға халық санағы бойынша үндеу жасады

  • https://almaty.tv/

    https://almaty.tv/

Халық санағы азаматтардың тұрғын үй жағдайын жақсарту үшін маңызды. Бұл туралы Алматы қаласы Жоспарлау және урбанистика басқармасының басшысы Алмасхан Ахмеджанов брифинг барысында айтты, деп хабарлайды ҚазАқпарат тілшісі.

 

Спикердің сөзінше, БҰҰ-ның халық санағын және тұрғын үй қорын жүргізу жөніндегі Еуропалық статистиктер конференциясының ұсынымдарына сәйкес «Халық санағы» ел аумағында және оның ең аз географиялық бірліктерінде тұратын халық санын, бүкіл халықтың әлеуметтік және демографиялық сипаттамаларын теру жөніндегі ақпаратпен қатар, тұрақты уақыт аралықтары арқылы ресми есепке алуды жүргізуге мүмкіндік беретін іс-шара ретінде айқындалады.

 

«COVID-19 пандемиясына байланысты елімізде 2020 жылға жоспарланған кезекті ұлттық халық санағын өткізу 2021 жылға ауыстырылды. ҚР Статистика агенттігі халықтың алдыңғы санақтарының, әлеуметтік-демографиялық зерттеулердің қолда бар материалдарын жинады және зерттеді, демограф ғалымдар мен басқа да мамандардың ұсыныстары мен ескертулерін, осындай іс-шараларды өткізу жөніндегі халықаралық ұйымдардың ұсынымдары мен тәжірибесін ескерді», - дейді ол.

 

Оның айтуынша, жүргізіліп жатқан санақ ең сенімді ақпарат көзі. Себебі ол азаматтардың жеке сауалнамаларына негізделген.

 

«Бұл деректер 10 жылдағы халықтың демографиялық және әлеуметтік-экономикалық дамуында болған экономикалық, демографиялық және әлеуметтік өзгерістердің көрсеткіші екені белгілі. Оған жалпы ел бойынша, қалалық және ауылдық жерлер бойынша және өңірлік бөліністе жынысы мен жасы, неке жағдайы, ұлттық құрамы, азаматтығы, діни сенімі, білім деңгейі, тілдерді білуі, үй шаруашылықтарының саны мен мөлшері, тұрғын үй жағдайлары және басқа да сапалық және сандық белгілері бойынша халық санының құрылымындағы өзгерістер кіреді», - деді Алмасхан Ахмеджанов.

 

Қорытындылай келе, ол халық санағы – бұл Қазақстанның Ұлттық статистика жүйесінің құрамдас және ажырамас бөлігі, халық пен оның тұрғын үй жағдайлары туралы деректердің негізгі көзі екенін еске салды.

 

«Санақ нәтижелері үй шаруашылық жағдайын, неке-отбасы қатынастарын жақсартуға, мүмкіндігі шектеулі адамдардың өмірін, халықтың тұрғын үй жағдайларын жақсарту жөніндегі мемлекеттік бағдарламаларды әзірлеу үшін, сондай-ақ білім беру, жұмыспен қамту, туу және көші-қон мәселелері бойынша шешімдер қабылдау үшін қажет»,- дейді спикер. А. Ахмеджанов.

 

Алматы тұрғындарын халық санағын кейінге қалдырмауға және онлайн өтуге шақырды.

 

Айта кетсек, Урбанистика басқармасында, сондай-ақ «Алматы Бас жоспары» ҒЗИ қызметкерлерінің 100%-ы жаңа форматта санақтан өтті.

 

 

 




Көрілген: 405    Пікірлер: 0

дүйсенбі, 13.09.2021, 18:19

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31