1912 жылдан бері алғаш рет: Токио Олимпиадасында қос атлет алтын иеленді

02 тамыз 2021, 11:31

Токиодаға Олимпиада ойындарында қос жеңіл атлет – катарлық Мутаз Баршим мен италиялық Джанмарко Тамбери бір спорт түрінен алтын еншіледі, деп хабарлайды Stan.kz ақпарат агенттігі.

Екі ел спортшысы да биіктен секіру бойынша 2,37 метрді бағындырған. Қазылар алқасы 2,39 метрге ешкім секіре алмағандықтан, алтынды Баршимге және Тамбериге беруді ұйғарған. 

 
Беларусь спортшысы Максим Недасеков та 2,37 метрге секіре алған. Алайда ол қарсыластарынан қарағанда бірнеше мүмкіндікті пайдаланған. Ол бұл спорт түрінен қола медальді еншіледі. 

Тамбери осымен биіктен секіру бойынша алтын иеленген екінші италиялық атанды. Бұған дейін Мәскеуде 1980 жылы өткен Олимпиадада Сара Симеони әйелдер арасында үздік деп танылған еді. 

Айта кетсек, Олимпиада тарихында жеңіл атлетикадан екі спортшы алтын иеленуі осымен екінші рет қайталанып тұр. Бұған дейін 1912 жылғы Олимпиада ойындарында бір спорт түрінен екі атлет алтын еншілеген.