Спорт

Альбертосыз «Астананың» аты озбай жүр

Мәртебесі жоғары «Джиро д'Италия» көпкүндігінің бес кезеңдік жарысы аяқталды. Бірақ «Астана» клубының велошабандоздары әлі жеңіс тұғырын маңайлай алар емес.

«Джиро д'Италия» көпкүндігінің төр­тін­ші кезеңдік бәйгесі есепке алынбай, үш­ін­ші кезеңдік жарыста қайтыс болған Воу­тер Вейландтың рухына бағышталды. Ал бесінші кезеңдік жарыстан кейінгі жалпы есепте голланд дүлдүлі Питер Венинг көш бастап келеді. Rabobank клубының вело­шабандозы осы бесінші кезеңде топ жарды.

Өз кезегімізде «Астана» велошабандоз­дарына тоқталар болсақ, әзірше Роман Кройцигер (Чехия) 18-орында, Роберт Ки­шер­ловски (Хорватия) 19-орында, Фран­ческо Машьярелли (Италия) 23-орын­да, Александр Дьяченко 39-орында, Евгений Петров (Ресей) 55-орында, Пао­ло Тиралонго (Италия) 64-орында, Хосеп Хуфре (Испания) 98-орында, Горазд Стангели (Словения) 129-орында, Максим Гуров 153-орында тұр. Ал былтырға дейін «Астананың» намысын қорғаған, қазір Saxo Bank клубының сапында өнер көрсететін испан жұлдызы Альберто Контадор жалпы есепте 9-орынға көтерілді. Ол енді-енді қарқынын үдетіп, екпінін күшейтіп келеді. Алда – таулы-қырат­ты жер­лердегі бәйгелер. Ендеше, Кон­тадор­дың қамшы басар кезеңдері әлі алда деу­ге болады. Ал «Альберто Контадорсыз да күніміз қараң болмайды, онсыз да жеңіске жете алатындығымызды дәлелдейміз» деген «Астана» клубы қа­шан қамшы басады? «Джиро д'Италия» көпкүн­дігінде басты сенім артқан спортшыларымыз Кройцигер мен Кишерловски сенім үдесінен шыға ала ма? Әзірше ештеңені дөп басып айта алар емеспіз. Тек әліптің артын бағып, «Джироның» аяқталуын күтейік.




Көрілген: 935    Пікірлер: 0

жұма, 13.05.2011, 10:57

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31