Бейжің олимпиадасы: қазақстандық спортшылар қандай сыйақы алды?

21 ақпан 2022, 11:18

Қазақстандық спортшылардың 2022 жылғы Олимпиадада қанша табыс тапқаны есептелді, деп хабарлайды ulysmedia.kz.

Vesti.kz-ның мәліметінше, отандастарымыздың арасында жүлдеге бір табан жақын болған, жарыстың ашылу салтанатында еліміздің көк туын ұстап шыққан шорт-трекші Абзал Әжіғалиев болды. Ол 500 метр қашықтықта мәре сызығын төртінші болып кесті.

Сонымен қатар, Қазақстан құрамасының сапында Абзал Әжіғалиев, Денис Никиша, Әділ Ғалиахметов, Ольга Тихонова және Яна Хандар командалық есепте бесінші орын иеленді.

Осылайша, Әжғалиев Бейжіңдегі нәтижесі үшін 40 000 АҚШ доллар (17,1 миллион теңге) сыйақы алады. Ал қалған шорт-трекшілер 10 000 доллардан (4,1 миллион теңге) қаржы алады.

Қысқы Олимпиада қорытындысы бойынша қазақстандық спортшылар мен бапкерлерге 140 мың доллар (60 миллион теңгеге жуық) қаржы бөлінеді.

Жалпы биылғы Олимпиадада отандастарымыз алтын алған жағдайда 250 мың доллар, күміс жүлде үшін 150 мың, қола медальға 75 мың доллар сыйақы алар еді. Сонымен қатар, төртінші, бесінші және алтыншы орын алған спортшылар - 50 мың, 10 мың және 5 мың АҚШ доллар сыйақы алады.