Елдос Сметов «Дарын» сыйлығын иеленді

24 қараша 2021, 14:18

«Тәуелсіздік ұрпақтары» республикалық жастар форумы аясында «Дарын» мемлекеттік жастар сыйлығының жеңімпаздарын марапаттау рәсімі өтті. Жеңімпаздар арасында Токио Олимпиадасында қола медаль алған дзюдошы Елдос Сметов те бар.
Жеңімпаздарды Сенат төрағасы Мәулен Әшімбаев пен Ақпарат және қоғамдық даму министрі Аида Балаева марапаттады.

«Дарын» сыйлығы биыл да 10 номинация бойынша берілді. «Дарын-2021» мемлекеттік жастар сыйлығы лауреаттарының тізімі:

«Ғылым» номинациясы бойынша – Есіркегенов Нұрғиса Аманкелдіұлы;
«Қоғамдық қызмет» номинациясында – Сансызбайұлы Балмейір, Бахретдинов Валихан Кабимуллаевич;
«Журналистика» номинациясы бойынша – Кеңшілік Ғалымжан Бауыржанұлы, Тұлжан Ақбөбек Нұрбаулықызы;
«Халық шығармашылығы» номинациясында – Елеусіз Ардақ Тимурұлы, Олжабай Темірлан Мақсатұлы, Наурыз Ернат Нұрбергенұлы;
«Классикалық музыка» номинациясында – Әбілда Алтынбек Еркінбайұлы;
«Театр және кино» номинациясында – Танабаева Ақмарал Нұрайқызы, Қанатқызы Риза;
«Спорт» номинациясында – зілтемірші Сон Игорь Сергеевич, дзюдошы Сметов Елдос Бақтыбайұлы;
«Эстрада» номинациясы бойынша – Байдүкенова Рухия Еділқызы, Алмадиев Әлібек Бекболатұлы;
«Әдебиет» номинациясында – Сәрсенхан Батырхан Бөріханұлы, Ахмер Біржан Ермекұлы;
«Дизайн және бейнелеу өнері» номинациясында Атабек Әлібекұлы Бекболатов жеңімпаз болды.
Сыйлық иегерлеріне «Дарын» мемлекеттік жастар сыйлығының лауреаты» атағы мен диплом, төсбелгі және ақшалай сыйақы табысталды.

aikyn.kz