Моңғолиядағы АЧ: Қазақстан еркін күрестен алғашқы алтынды жеңіп алды

24 сәуір 2022, 22:33

Қазақстандық еркін күрес палуаны Азамат Дәулетбеков Моңғолияда өткен Азия чемпионатында жеңімпаз атанды, - деп хабарлайды Vesti.kz. 

Ол 86 келіге дейінгі салмақтағы шешуші айқаста үндістандық Дипак Пуниямен кездесті. Жекпе-жек 6:1 есебімен аяқталды. Қазақстандық спортшылар үшін бұл - Моңғолияда өтіп жатқан Азия чемпионатындағы алғашқы алтын. 
Еске салайық, бұған дейін қазақстандық 6 палуан Азия чемпионатында жақсы нәтиже көрсеткен еді. 57 келіге дейінгі салмақ дәрежесінде өнер көрсеткен Рахат Қалжан мен Нұрқожа Қайпанов (74 келіге дейін), Акбар Құрбанов (61 келіге дейін), Сырбаз Талғат (70), Мамед Ибрагимов (97), Әділет Дәулембаев (92 келіге дейін) күміс жүлдегер атанды.