Нидерланды елінің сарапшысы Марсел Дорф Vesti.kz тілшісіне берген сұқбатында UFC ұйымында жеңіл салмақта өнер көрсететін қазақстандық Сергей Морозовтың (19-5) соңғы жеңісі туралы пікірін білдірді, - деп хабарлайды Alashainasy.kz тілшісі.
Морозов өткен демалыс күні Лас-Вегаста (АҚШ) америкалық Джурни Ньюсонмен (10-4) кездесіп, жеңіске жеткен болатын.
"Сергей өте мықты өнер көрсетті. Ол барлық раундта қарсыласын бақылауда ұстады. Сонымен қатар ол тейкдаунды көп істеп, белсенді болды. Негізі айқын үстемдікті байқамадым. Тек қарсылас әлсіз екен. Тіпті Морозов күшін үнемдеп айқасты деп ойлаймын. Оның өзі дұрыс шығар. Себебі, Сергейге бастысы нәтиже болды", - деді Дорф.