Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Тоқаев Бибісара Асаубаеваны Азияның үздік шахматшысы атануымен құттықтады

06 тамыз 2022, 22:20

Қасым-Жомарт Тоқаев Бибісара Асаубаеваны ФИДЕ марапатымен және Азияның үздік шахматшысы атануымен құттықтады, - деп хабарлайды Alashainasy.kz тілшісі sputnik.kz-ке сілтеме жасап.

"Бибісара Асаубаева толағай табысқа қол жеткізді. ФИДЕ қазақстандық дарынды қызды Азияның үздік шахматшысы деп таныды. Қазақстан шахматшыларына үнемі қолдау көрсетіп келе жатқан президент Қасым-Жомарт Тоқаев бұл жаңалықты назардан тыс қалдырған жоқ. Ол Бибісараны құттықтап, жаңа жетістіктер тіледі", - делінген мемлекет басшысының баспасөз қызметі таратқан хабарламада.

 

Еске салсақ, Бибісара Асаубаеваға "Әйелдер арасында Азияның үздік шахматшысы – 2021" марапатын әлемнің 15-ші чемпионы Вишванатан Ананд тапсырды.

 

Бибісара Асаубаева - әйелдер арасындағы гроссмейстер, халықаралық шебер, 2021 жылы шахмат тарихындағы блиц бойынша ең жас әлем чемпионы. Ол – "Алтын Мангуст" және "Шапағат" ордендерінің иегері.

 

Айта кетері, Үндістанның Ченнай қаласында әлемдік шахмат олимпиадасы өтіп жатыр. Индиядағы әлемдік шахмат олимпиадасының жетінші кезеңінде Қазақстанның шахматтан ерлер командасы 11-ші орыннан 7-ші орынға көтерілсе, әйелдер командасы 14-ші орыннан 10-шы орынға көтерілді.