Таным

«Қазақ хандығы» жоңғарды жекпе-жекке шақырады

  • «Қазақ хандығы» жоңғарды жекпе-жекке шақырады

    «Қазақ хандығы» жоңғарды жекпе-жекке шақырады

Енді біраз уақыттан кейін қазақ балалары отандық компьютерлік ойындармен қауышатын болады. Шетелдік «Контр страйк» ойынының атыс-шабыс даңғазасын енді қазақы қоңыр үн ауыстырмақ. Ұлттық құндылықтарды ұрпақ санасына бала жастан ұялатуды мақсат тұтқан оңтүстік жастары жуырда жаңа жоба ұсынды. «Қазақ хандығы —  Алдараспан». Енді ғаламтордың төрінде қазақ хандары мен жоңғарлар ашық айқасқа шығуы мүмкін.

Әрине, ғасырлар бұрынғы ұлтымыздың жоғалып кетуге шақ қалған құнды тарихын осылай жас өскінге түсінікті етіп жеткізу оңай шаруа емес. Көбіне кітап-журнал оқы­майды деп кінәланып жататын ұрпақтың уақытының басым бөлігі ғалам­тор кеңістігінде өтетіні рас. Осыны ескерген өнертапқыш жастар Шымкентте өздері ойлап тапқан Black and White тобының тарихи компьютерлік ойынын көпшілік назарына ұсынды. Айтуларынша, бұл бастама жас толқынның өткенге деген қы­зығушылығын оятады. Білімін арттырады.

Жандос ҚАЛТАЕВ, Black and White тобы­ның мүшесі:

– Біз бұл жобаны алдағы уақытта 15 тілге аударуды жоспарлап отырмыз. Орталық Азиядағы кез келген жасқа қолжетімді болуын қамтамасыз етеміз. Жоспарымызға сай, жобаның бастапқы талап ететін қаржысы — 100000 $. Егер қаржы табылып жатса, жобаны тоғыз айда толықтай саудаға шығаруға болады. Бір қызық жері – мұнда ойынға қатысушы әрбір этностың, қазақ ханды­ғының ерекшеліктеріне куә бола алады. Мысалы, бойтұмар, алтын асық сияқты немесе бір қиындықтан өтуі үшін ақ­сақал­дардың ақ батасын алуы керек. Бұл ойынды ойнау үшін физика, алгеб­ра, геометрия, биология, астрономия сынды сабақтардан дайындалған ар­найы сұрақтарға да жауап беруіңіз керек. Сондықтан бұл – бүгінгі білімпаз жастар үшін таптырмас көмек.


Осылайша кәсіпкер болуды көздеген жастар өздерінің өнертабыстарын ұсынып, кәсіпкерлерге қызмет көрсету орта­лығының жобалары арқылы қаржылық қол­дауға да ие болмақ. Ал жас кәсіп­керлер идеясы байқауы барысында жолда адасқан жанға бағыт көрсететін ұялы теле­фонға орнатылатын көмекші-бағ­дарлама, азық-түлік өнімдерін саудалау әдістері сынды бизнес жобалары да ұсынылып, жұртшылықты қызықтырды.

Нұржан ӘЛТАЕВ, ОҚО кәсіпкерлерге қыз­мет көрсету орталығының директоры:

– Жалпы, идеялардың инно­ва­ция­лығы, жаңалығы қандай, соған қарап жатырмыз. Өте қызық, тың идеялар бар. Мұндағы қазылар алқасының құра­­мында бизнесмендер де бол­ған­дықтан, кейбір жобаларға қызы­ғу­шы­лық таны­туда. Солардың бірі – «Қазақ хандығы —  Алдараспан» атты ойындар жобасын ұсынған Black and White тобы.


Садық ШЕРІМБЕК, «Қазақ хандығы —  Алда­распан» жобасын жасаушы:

– Компьютерлік ойындардың ұрпақ санасына, өсіп-жетілуіне кері әсері шаш етектен. Компьютер алдында күн­діз-түні отырған бала бұйығы, томаға-тұйық болып өседі. Кейбірі тіпті ұлттық болмысынан айырылып қалып жатыр. Біз ұзақ уақыттық зерттеу нәтижесінде осы кемшіліктің орнын толтырмақ ниет­пен осы жобаны ұсынып отырмыз. Мұнда кез келген батырға ат қойып, жек­пе-жекке шығаруға болады. Мәсе­лен, қазақтың қас батырлары Қабанбай, Бөгенбай, Наурызбайларды жоң­ғардың нояндарымен шаршы алаңға шығаруға мүмкіндік бар. Мұ­ның өзі батыр бабаларымыздың ерлі­гін, атын тануға, екіншіден, жет­кін­шекті ерлікке, өжеттікке тәрбиелеуге көмегі зор.




Көрілген: 2659    Пікірлер: 0

жұма, 12.04.2013, 12:27

Достарыңмен бөліс:

2
  • СОҢҒЫ ЖАРИЯЛАНЫМДАР:
    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31