Тәуелсіздік айнасы

Бизнесті қолдау бағдарламасына насихат керек

Еліміздің экономиканы дамыту жолында ұстанып отырған бағыттарының бірі – «Бизнестің жол картасы-2020» бағдарламасы. Онда елдегі бизнестік бастамаларды қолдау; кәсіпкерлік секторды сауықтыру; шетелге өнім шығарушыларды сүйемелдеу шаралары қарастырылған.

Бүгінде осы бағдарлама аясында елде бизнесті енді бастаған кәсіпкерлерге кешенді қызмет көрсету орталықтары ашы­лып отыр. Мәселен, «Даму», «Қазбизнес консалтинг», «Макстэр» қызмет көрсету орталықтары кәсіпкерлерге маркетингілік сұрақтар бойынша; бухгалтерлік салықтық есеп жүргізу тұрғысында; заңгерлік кеңес аясында, кедендік процедуралар туралы хабардар етіп, ақыл-кеңес беріп отыр.

Шолпан Бижанова, аталмыш бағдарлама жөнінде Алматы қаласы кәсіпкерлік және өнеркәсіп басқармасы шағын бизнес бөлімінің бастығы:

– «Бизнестің жол картасы – 2020» бағдарламасында бизнестік бастама­ларды қолдау хақында ашып айтылған. Сондықтан республика аймақтарында елдегі кәсіпкерлерге ауқымды көмек көрсету мақсатында кешенді ақысыз қызмет көрсету орталықтары ашылды. Жалпы алғанда, бүгінгі күні «Бизнестің жол картасы – 2020» бағдарламасы кәсіпкерлерді қолдаудың нақты құралы ретінде танылып, оған деген бизнес-қауымдастықтың сұранысы күткенде­гіден де асып түскендігін атап өтуге болады. Соңғы мәліметтер бойынша, бірінші бағыт бойынша 159 өтінім түссе, екінші бағыт бойынша – 314 өтінім, үшінші бағыт бойынша 33 өтінім келіп түскен. Аталмыш бағдарлама – біз жиі сөз етіп жүрген банк пен өндіріс­тің арасын жалғайтын өткелдің бірі. Біз бұл бағдарламаны пайдалану бары­сында мынадай жайттарға қол жеткізе­міз: а) еліміздегі өнім өңдеуші саланың қолына қаржы тиеді. Бұл дегеніңіз – отандық өнім легінің артуына сеп бола­ды; ә) бизнесті жаңа бастап жатқандарға бағдарлама бойынша жеңілдіктер қарастырылған; б) бағдарлама арқылы отандық кәсіпкерлер өз өнімдерін ше­тел­ге шығаруға қолдау алады; в) бұған қоса, бағдарлама барысында иннова­циялық жаңа технологияларға қол жеткізуге болады.


Сондықтан өз басым бұл бағдарла­ма отандық бизнестің дамуына ықпал етеді деп ойлаймын,– деді.

Негізінен, деректерге сүйенсек, еліміз­дегі кәсіпкерлердің 40 пайызы заңды білу сауаттылығына келгенде кібіртіктеп жатса, кәсіпкерлеріміздің 20 пайызы құжатбас­тылыққа келгенде тым салғырт, ал қалған 20 пайызында белсенділік, бәсекеге деген ұмтылыс жоқ көрінеді. Ал бұл үрдіс бизнестің адымын аштырмай, бұғаулай түсетінін алға тартқан мамандар «ендігі кезекте кәсіпкерлердің белсенділігін ояту қажет» деседі. Бұл ретте «Сервис» кәсіпкер­лерге қызмет көрсету орталығының құрыл­тайшысы Владимир Ермаков:




– 2020 жыл­дары Қазақстан бизнесінің жұл­ды­зы жанып, өнім өңдеуді ше­бер мең­гер­ген­дердің тасы өрге дома­ламақ. Әрине, оны уа­қыт ­таразы­лай жатар. Ал нақ қазір бір анығы – бізде отандық өнім­нің бағын байлау, отандық тауарды тұқырту көзқа­расы әлі басым. Міне, бізге экономи­калық әлеуетімізді көтеру үшін алдымен осы көзқарастан арылу керек тәрізді... Ол үшін, әрине, отандық кәсіпкер­лердің белсенділігі басым болуы керек, – деді.

Жалпы, «Бизнестің жол картасы – 2020» бағдарламасын жүзеге асыру үшін 2010 жылы республикалық бюджеттен 30 млрд теңге бөлініпті. Осы 30 млрд теңгенің 12 миллиарды – жаңа бизнестік-бастама­ларды қолдауға, 16 миллиарды – кәсіпкер­лік секторды сауықтыруға және 2 миллиар­ды экспортқа бағытталған өндіріс­ті қолдауға беріледі деп жоспарланған.

Кеше Алматыда аталмыш бағдарла­маның орындалу барысын, кәсіпкерлердің бағдарламаға атсалысуын талқылаған жиында бас қосқан сарапшы мамандар бағдарлама жөнінде осылай өз пікірлерін өрбітті. Қайсыбір сарапшылар бұл бағдар­ламаны біз дер кезінде қолға алып отыр­мыз десе, мамандардың енді бір парасы бағдарламаны әлі де толық ұғына алмай жатқанымызды, қызмет көрсету орталық­тары отандық кәсіпкерлердің түгелін қамтуға аздық ететінін, насихаттау жағы тым төмендігін алға тартады. Тіпті мұндай ақысыз қызмет көрсететін орталықтардың бар екенінен кәсіпкерлер мүлде хабарсыз екендігі де айтылып қалды. Сондықтан мамандар болашақта бағдарламаның на­сихатын асыру қажеттілігін баса айтуда...




Көрілген: 1903    Пікірлер: 0

жұма, 04.11.2011, 12:51

Достарыңмен бөліс:

2
  • СОҢҒЫ ЖАРИЯЛАНЫМДАР:
    15 Желтоқсан 2011
    Ат қоюдың да сыры бар
    15 Желтоқсан 2011
    20 жылдық жылнама
    14 Желтоқсан 2011
    «Суперфарм» – супержоба
    13 Желтоқсан 2011
    Сырткөз
    9 Желтоқсан 2011
    Тәуелсіздік туындысы
    8 Желтоқсан 2011
    Ел Елбасыға риза
    30 Қараша 2011
    Кеше – бүгін
    17 Қараша 2011
    Кеше – бүгін
    17 Қараша 2011
    Нәтижелі бағдарлама
    5 Қараша 2011
    Кеше – бүгін
    3 Қараша 2011
    Кеше – бүгін

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30