Жас шыбықты қалай қарай қисайтып отырғызсаң, солай қарай өсетіні белгілі. Сондықтан мемлекетіміз балалар мен жасөспірімдер спортына да ерекше көңіл бөліп отыр. Басты мақсатымыз – Әлем және Олимпиада жеңімпаздарын мектеп қабырғасынан қалыптастыру.
Әлбетте, бірден бәрі керемет болып кет­пейтіні белгілі. Бірақ осы уақытқа дейін ат­қа­рылған істер аз емес. Мәселен, 1996 жы­­лы «Қазақстан Республикасында бұқа­ра­лық спортты дамытудың 1996-2000 жы­л­дарға арналған мемлекеттiк чемпиондарын бағдарламасы» қа­был­данды. Қиын кез­дер­дің бірі болатын. Жаппай қысқартылу жүріп жатқан кез. Кә­сіп­о­рындармен қоса, спорттық мектептер­дің де жабылып жатқан шағы. Бірақ әлгі бағ­дарламадан кейін балалар мен жасөспі­рімдер мектептерінің қысқартылуы тоқта­тылып, 2000 жылы елімізде 271 спорт ме­к­тептері жұмыс істей бастады. Онда 116 мыңнан астам балалар спортпен шұғыл­данды. Спорттағы дарын­ды балаларға ар­налған алты спорт мектеп-интернаттары ашыл­ды. Соның нәтижесінде, мектеп-ин­тер­нат оқушыларының саны 942-ден 2385-ке дейін көбейді. Ал 2001 жылы Рес­публикада 290 спорт мектебі жұмыс іс­теп, оларда 134 мың балалар мен жасөс­пірімдер тәрбиеленді.
Бұдан кейін 2001 жылы Елбасының жар­лығымен ел спортын көтеруге бағыт­талған тағы бір бағдарлама қабылданды. Төрт жылға бір-ақ қабылданған бағдар­ламаның соңында балалар мен жасөспi­рiмдер спорт мектептерiнiң саны көбейіп, 2005 жылдың 1 қаңтарында 389-ға жетті, ондағы спортпен шұғылданушы балалар саны 200 529 адамды құрады. Спорттағы дарынды балаларға арналған үш респу­б­ликалық және 13 облыстық мектеп-ин­тер­нат ашылды. Мұндағы спортты серік ет­кен жеткіншектер саны 3710 адамды құ­рады.
2006 жылдың соңғы күндері бұқаралық спортты өркендетуге арналған тағы бір бағдарламаның қабылданғанына куә бол­дық. Мұның нәтижесі тіптен тамаша. Атап айтар болсақ, 2010 жылы 38 балалар мен жасөспірімдерге арналған мектеп, бес мек­теп-интернат, алты спорттық кешен, сегіз стадион және бір бассейнге күрделі жөндеу жұмыстары жүргізіліп, жеткіншек­тер игілігіне қайта берілді. Сондай-ақ «Жол картасы» бағдарламасы бойынша да қайта құлпырып шыға келген спорттық мектепте­ріміз аз емес. «Жол картасы» бағдарламасы, әсіресе ауылдық жерлердегі спорттық нысандарды жарылқап, 2010 жылы 38 ба­­лалар және жасөспірімдер спорт мек­теп­тері мен бес мектеп-интернат «ине-жіп­тен» өткізілді.

Бүгінгі күні жұмыс істеп тұрған жеткіншектерге арналған республикалық мекемелер:
• Спорттық шеберлігін жетілдіру мектептерінің саны – 17. Оның үшеуі – республикалық деңгейде.
• Олимпиада ізбасарларын даярлау орталықтарының саны – 17.  
• Республикалық Олимпиада даярлау орталықтары – 8.
• Спортта дарынды балаларға арналған мектеп-интернаттарының саны – 15. Оның төртеуі – республикалық деңгейде.