Теңдік

«Наурызнама» мәдени бағдарламасын қабылдау керек пе?



Алмас ТҰРТАЕВ, ҚР Парламенті Мәжілісінің депутаты:

– Мен ұлттық идеологияның қа­лып­та­суына ықпал ете­тін кез келген жал­пы­ұлттық бағдарламаның қабыл­дануына қарсы емеспін. Бірақ арнайы құжат қабылдау ке­йінгі кезде өзгеше сипат алып кеткен сияқты. Мы­са­лы, қаржы дағ­дарысы кезінде экономикалық, жұ­мыс­сыз­дықты жою үшін, әлеуметтік бағдар­ламалар қа­был­дап жатырмыз. Меніңше, Әз-Наурыз қазақ бар кез­де, мем­лекетіміз тұрғанда құрдымға кетпейді. Қа­зір­дің өзінде ұлттық мерекеміз жыл сайын түрленіп өткізіліп жатыр. Тә­уел­сіз­діктің алғашқы жыл­да­рымен салыстырып көрейікші, төл жаңа жылымыз осыдан жиырма шақты жыл бұрын тек қазақтардың, түркітілдес өзге ұлт өкілдерінің ғана мейрамы сияқты көрінуші еді ғой. Ал қазір Наурызды сәл басқаша тойлау жалпыұлттық деңгейге көтеріліп келеді. Елбасы кезекті бір мейрамда сөйлеген сөзінде: «Біздің жаңа жылымыз Нау­рыз­дан басталады» деген болатын. Қо­ғам­ның да, биліктің де бұл тұрғыдағы мүд­десі үндесіп жатыр. Ең бастысы, Нау­рызды Біріккен Ұлттар Ұйымының өзі халықаралық ме­реке ретінде бекітті. Мұның өзі – түр­кі әлемі үшін ортақ жеңіс. Сондықтан қо­ғамның санасына ор­нық­қан ұлттық мей­рамдарды арнайы бағ­дар­ла­ма­лар­мен ресми­лен­дірмесе де болады.




Шәкір ЫБЫРАЕВ, Түркі академиясының президенті:

– Дәл осы мәселе көптен бері ай­ты­лып жүр. Жыл сайын айтамыз, бірақ нә­тиже жоқ. Нәтиже шығу үшін арнайы бағдарлама қабылдау керек-ақ. Олай дей­тінім, қазір Наурыз мейрамы тым рес­ми аталып өтіледі. Киіз үй тігіп, көже ішсе немесе ұлттық шапан киіп жүрсе болды, сол Наурыз деп түсінетін жас ұрпақ қалыптасып келе жатыр. Біз олар­ға мерекенің қандай болатынын көр­сете алмағандықтан, оларды кінәлай ал­маймыз. Себебі олар жыл сайын алаңдағы концерт пен бірді-екілі киіз үйлерді көріп жүр. Қазіргі кезде Наурыз мерекесінің түпкі атрибуттары мен ғұрыптық рәсімдерін жүйелі жолға қою керек. Ол үшін «Наурызнама» ма, басқа ма, әйтеуір, мемлекеттік деңгейдегі мәдени бағдарлама қабылдайтын уақыт жетті деп есептеймін.




Артур НЫҒМЕТОВ, саясаттанушы:

– Меніңше, мұндай бағдарламаның қажеті жоқ. Осы уа­қытқа дейін бірнеше мемлекеттік құжаттар қабылданды ғой. Бірақ олардың іске асырылып жатқанын көріп жатқан жоқпыз. Қоғам хал-қа­ді­рінше Наурызды жыл сайын атап өтіп жа­тыр. Кез келген бастама қоғамның қа­лауынсыз жүзеге аспайды, мей­лі он бағ­дарлама қабылдасаңыз да. Ұлттық мей­рам еш­қан­дай да басы артық бағ­дарламаны қажет етіп отырған жоқ.




Көрілген: 2609    Пікірлер: 0

бейсенбі, 21.03.2013, 13:23

Достарыңмен бөліс:

2
  • СОҢҒЫ ЖАРИЯЛАНЫМДАР:
    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30