AUSTRALIAN OPEN-2023: Елена Рыбакина жартылай финалға шықты

24 қаңтар 2023, 14:21

Елена Рыбакина AUSTRALIAN OPEN-2023 турнирінің жартылай финалына шықты. Қазақстандық теннисші латвиялық Елена Остапенконың осал тұсын тапты, - деп хабарлайды Alashainasy.kz тілшісі 24.kz-ке сілтеме жасап.

Алғашқы сетта жерлесіміз 3:1 есебімен алға шыққан. Одан соң ауа райына байланысты матчта үзіліс жарияланды.

 

Жерлесімізге жаңбыр да кедергі келтірмеді. Үзілістен кейін кортқа оралған Рыбакина,.. қарқынын үдете түсіп, алғашқы партияны өз пайдасына шешті. Есеп 6:2.

 

Екінші сетта да Қазақстандық теннисшінің басымдығы байқалды. Елена 6:4 есебімен жеңіске жетіп, кездесуді екі партияда аяқтады.

 

Рыбакина спорттық мансабында алғаш рет Австралия ашық біріншілігінің жартылай финалына жолдама алды. Енді ол Джессика Пегула - Виктория Азаренко жұбының жеңімпазымен финалдық жолдаманы сарапқа салады.

 

Былтыр Елена Уимблдонда топ жарғаны белгілі. Сондықтан Қазақстандық теннисшінің үлкен шлем жарыстарындағы тәжірибесі бар.