Тіл - тас жарады...

Кәсіпкерлерді ел экономикасының нәрін сығып алып отырған шикізат олигархтарымен шатастырмаңыздар

  • Кәсіпкерлерді ел экономикасының нәрін сығып алып отырған шикізат олигархтарымен шатастырмаңыздар

    Кәсіпкерлерді ел экономикасының нәрін сығып алып отырған шикізат олигархтарымен шатастырмаңыздар

Бизнестің әлеуметтік жауапкершілігі.

Осы күндері маған жас кәсіпкерлерді әлеуметтік жауапкершілікке шақыруға көптеген өтініштер жасалуда. Яғни, кәсіпкерлер дәрігерлер мен халыққа көмек көрсетсе деген өтініштер. Осындай ұрандары бар роликтерге түсуге ұсыныс жасап жатыр.
Бұл туралы мен не айтқым келеді. Бұл дағдарыстың, әсіресе, карантиннің, ең ауыр соққысы шағын және орта бизнеске тура келді. Көптеген кәсіпорындар жабылуда, кәсіп иелері қызметкерлер санын қысқартуға, қалған қызметкерлерге айлығын немесе еріксіз еңбек демалысын төлеп беруге мәжбүр болып отыр. Қарыздарын кейінге шегеру бойынша банктермен келісіп, тауарды жеткізушілермен, дистрибьюторлармен келісу және өзге де әрекеттер жасауға мәжбүр. Сол арада теңге құнсызданып барады, өнімдердің өзіндік құны артуда, ал бағаны көтеруге билік рұқсат етпейді.

Қысқасы, қазір, шындыққа келгенде, кәсіпкерлер өз тіршілігін сақтап қалу қамымен қолдан келер амал-әрекеттің бәрін жасап жатыр. Мен қазір вотсап және телеграмм желілерінде бірнеше "Антикризисный штаб" чаттарында тіркелгем. Бұл чаттардан көріп отырғаным – кем дегенде 95% кәсіпкерлердің қазіргі халі мүшкіл. Бәрінде өз кәсіптері үшін қорқыныш пен үрей, көпшілігі қандай әрекет жасау керегін де білмей отыр.

Осындай жағдайда, кәсіпкерлерге әлеуметтік көмек көрсетуші, ақша таратушы «қаржы толған қап» секілді қарауды доғаруды сұраймын. Оларды жылдар бойы ел экономикасының бар нәрін сығып алып отырған шикізат олигархтарымен шатастырмаңыздар. Кәсіпкерлердің көпшілігі мұндай көмек көрсете алмайды және осы үшін олардың да қабырғасы қайысып отыр. Және де дәл қазір халықты азық-түлікпен және барлық керек-жарақпен қамтамасыз ету бойынша ең ауыр күш осы кәсіпкерлерге түсіп отырғанын ескеру керек.
Егер кәсіпкерлер өз кәсіпорындарын сақтап, жұмыс орындары қалпында қалса және олар осы күндері үзіліссіз жұмыс жасайтын болса, осының өзі біздің экономикамызды құтқару мен қауіпсіздігімізді сақтауда ең үлкен үлес болар еді.
Бәріміз тұтынушы екенімізді ұмытпайық, өнім өндіруші мемлекет емес, кәсіпкерлер. Олар да коронавируспен күресте дәрігерлермен қатар алдыңғы шепте. Олардан одан артық дүние талап етпеңіздер.

P.S. Мен бұл арада кәсіпкерлер деп өнім өндірмейтін, медициналық маскалар мен өзге де керекті заттарды үш есе бағамен қайта сататындарды айтып отырған жоқпын. Олар спекулянттар.

Маргулан Сейсембай

Фейсбуктегі парақшасынан




Көрілген: 1010    Пікірлер: 0

дүйсенбі, 23.03.2020, 18:46

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30