Тіл - тас жарады...

Мәйіт маңында сүйек мүжігендер не ойлайды екен?

  • Мәйіт маңында сүйек мүжігендер не ойлайды екен?

    Мәйіт маңында сүйек мүжігендер не ойлайды екен?

Өлім – той емес. Бір шаңырақтың, бір әулеттің қайғысы. Сондықтан қайғыға батып, қиналып отырған үй иелеріне жаназа күні астау-астау ет астырып, мүшелеп жілік тарату дұрыс болмаса керек-ті. Өкінішке орай, көп жерлерде мәйіт үйден шығысымен-ақ, зират басына бармай ығысып қалып қойған кісілер жапа-тармағай дастарханға ұмтылады. Қара жамылған әйелдер ішкі үйде аңырап отырғанда, ата сақалдары ауыздарына түскен ел ағаларының іргеде малжаңдап сүйек мүжіп отырғаны біртүрлі ерсілеу көрінеді екен. Ал әлгі ауыр қайғы қабырғаларына батып, таяқ ұстап қалған ағайын соларға шәй тасып, қызмет көрсетіп әуре. Тіпті, мұны айтасыз, мәйіт үйден шықпай-ақ, жаназасын күтпей табақ-табақ палау тарата бастайтын жамағат та бар.

Бұл турасында 2009 жылы ҚМДБ-ның Орта Азия мен Қазақстан мұсылмандары амал ететін Ханафи мәзһабына сай дайындалған пәтуа не дер екен? «Қаралы үйдің тұрмысы ауыр немесе біреулерге қарызы болса, олардың одан әрі қарызға батып ас берулері дұрыс емес. Ол үйден ас шығартпау керек. Тағамды туысқандары, жора-жолдастары немесе көршілері үйінде жасауына болады. Өздері жақындарынан айрылып қайғырып отырған үй иелеріне тамақ әзірлетіп, кісі күттіріп қойған дұрыс емес. Мәйітті бірнеше күн жатқызып қойып, қонақ күтудің қамына кірісу күнә». Жөн-ақ. Ендеше, осы бәтуаға неге тоқтамаймыз, ағайын? Қайғыдан қабырғасы қайысып, қара жамылған үйде қалжың қағыса қарқылдай күліп, езуімізден май ағыза кекірік атуымыздың ендігі жерде жөні бола қоймас, сірә...

Сіз не дейсіз бұған?


facebook.com парақшасынан 




Көрілген: 1941    Пікірлер: 0

жұма, 04.01.2019, 13:29

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30