Ардагерлер алдындағы ұрпақ парызы

03 шілде 2013, 12:50

Кереку өңірінің мәдениет сала­сы қызметкерлері Ұлы Жеңіс­тің 70 жылдығына арнал­ған іс-шараларға дайындық жұмыстарын бастап кетті.
Бірнеше бағыт бойынша жүзеге асырылатын ке­шенді жұмыс Ұлы Отан соғысы ардагерлері мен қаты­сушылары, сондай-ақ тыл еңбеккерлерін әлеуметтік қорғау, мерейлі датаға орайластырылған салтанатты шаралармен негізделмек. Сонымен қатар, Ұлы Отан соғысы тақырыбын арқау еткен «Боз­дақтар», «Жеңімпаздар» сынды кітаптар жарық көрмек. Облыстық мемлекеттік мұрағат қызметкер­лері Украина, Беларусь және Ресей Федерациясында қаза болған қазақстандық сарбаздардың жерленген орнын анықтау бойынша жұмыстарын жалғасты­р­мақ. Даңқ алаңында  өңірімізден аттанған 46 мың­нан астам сарбаздың есімдері жазылған панора­малық ескерткіш бой көтермек. Айта кетерлігі, осы уақыт аралығында соғысқа қатысқан ардагерлердің бас­паналары толықтай барлығы жөндеу жұмыста­рынан өткізілмек.
Халел ӘКІМХАНОВ, Павлодар облыстық мұрағат және құжаттама басқармасының бастығы:
– Қазіргі таңда аймақ мұрағатшылары «Жеңім­паздар» атты кітапқа тың материалдарды іздестіру­де. Бүгінгі күнге дейін соғыста Отан қорғаған 2,5 мың жерлес азаматтың құжаттары жинастырылған. Осыған орай бұқаралық ақпарат құралдары өкіл­дері және облыс тұрғындарын бұл іске атсалысуға ша­қырамын. Егер сұрапыл соғыс жылдарында май­дан­ға аттанып, елімізді қорғаған жандардың құжат­тары табылып жатса, мұрағатқа тапсырулары­ңызды сұраймын. Бабалар алдындағы ұрпақ пары­зын бірге өтейік!