Елбасының курстастары қызықты әңгімелер айтты

30 қараша 2013, 12:46

Қазақстанның Тұңғыш Президентінің курстастары дара тұлға туралы көп естеліктер айтады. Тіпті «Нағыз көшбасшы және күш беруші» атты мақала авторы Қайрат Исламқұловтың айтуынша, шығарманы оқыған Елбасы Нұрсұлтан Назарбаев: «Мен, шындығында, осындай болдым ба?» деп сұрапты одан.
Жуырда Елбасы Нұрсұлтан Назарбаев­тың курстастары Оңтүстік Қазақстан мем­ле­кеттік педагогикалық институтының студент­тері және ұстаздарымен кездесті. Кез­десуде ескі достар жастарға Елбасы ту­ралы қызықты әңгімелер айтты. «Кемеңгер Елбасы — қазақтың мақтанышы» атты кез­десу­де Президент өмірінен сыр шертетін ар­найы видеоролик те көпшілік назарына ұсы­нылды. Бұған қоса, шара барысында Мем­лекет басшысының соңғы еңбектері жа­зылған кітап көрмесі де арнайы қойыл­ды.
Қайрат ИCЛАМҚҰЛОВ, Елбасының курстасы:
– Нұрсұлтан Әбішұлы жалған сөйлеу мен алаяқтықты жаны сүймейтін. Тіпті ондайлардың қасында жүрмейді. Президентіміздің мінезі биязы, әрдайым ашық, адал, мейірбан жандармен достаса­ды. Қазақ және украин жастарының баста­рын біріктіретін қызықты кештер ұйымдас­ты­ратын. Өзінің іс-әрекетімен өзгелерді спортпен, көркемдік шығармашылықпен ай­налысуына жетелейтін еді. Соларға ғана ашы­лып сырын айтады. Ең бастысы, Нұр­сұлтан Назарбаев елдің ертеңі үшін еңбек етіп жатыр. Көзіміздің алдында Қазақ елін адам айтқысыз жетістіктерге жеткізді. Мұн­дай ерлік кез келгеннің қолынан келе бер­мей­ді. Елбасымызды бағалайық дегім ке­леді.

Иә, 50-жылдары Н.Назарбаевпен бір­ге өткен студенттік жылдар туралы курс­тастар қызықты естеліктер айтты. Кезін­де Қайрат Исламқұлов, Марат Қыс­таубаев, Тельман Спаев Украинада Нұр­сұл­тан Назарбаевпен бірге оқып, қиын қыс­тау күндерде бір жатақханада тұрып, кей­де бір нанды бөлісіп жегендерін аңыз етіп әңгімеледі. Әрі олар қазіргі Ұлт көш­бас­шысының сол кездегідей қарапайым қалпында қалғанын айтады. Басқосу аясында студенттер Президенттің бұрын-соңды білмейтін қасиеттеріне қанықты.
Салтанатты жиынның соңында студент жастар қонақтарға сұрақ қойды. Әрі ЖОО-ның мұрайжайына қойылған Елбасының 200-ге жуық туындысын тамашалап, рухани байып қайтты.