Ұлттық спорт

"Қазақтар артық кетті" Көкпардан қырғыз құрамасы чемпионатқа қатысудан бас тартпақ

  • © Sputnik

    © Sputnik

Өзбекстанда өтетін алдағы көкпардан әлем чемпионатында қазандықтың орнына шеңбер пайдаланылатын болса, Қырғызстан құрамасы оған қатысудан бас тартады, деп мәлімдеді елдегі көкпар федерациясының президенті Жырғалбек Саматов. Бұл туралы Sputnik Қырғызстан жазды.

Естеріңізге сала кетейік, өткен аптада Астанада бүкіләлемдік көкпар қауымдастығының кеңесінде көкпардың халықаралық ережесі бекітілген болатын. Жаңа ереже бойынша енді қазандықтың орнына шеңбер пайдаланылады. Сондай-ақ Халықаралық жануарлар әлемін қорғау ұйымдарының қағидаларына қайшы келмеу үшін серкемен емес, муляжбен ойнауға шешім қабылданды. Алайда айырқалпақты ағайындар ереже Қазақстанның ықпалымен бекітіліп кетті деп ойлайтын секілді. Қырғыздар шеңбермен ойнауға үзілді-кесілді қарсы болып отыр.

"Бүкіл әлем көк бөріге (көкпар – агенттік ескерт.) қызығушылық танытып отыр. Қөшпенділер ойындарын 1,3 миллиард адам тамашалап жүр, олардың 90 процентіне көк бөрі ұнады. Біздің көршіміз мұны қызғаныштан жасап отыр, олар әлемге өз ойындарын көрсетуді қалайды. Қазақтар – бауырлас халық, біз оларды қолдаймыз, бірақ бұл жерде олар артық кетті. Біз тайқазаннан бас тартпаймыз", - деді Саматов.

Жастар ісі, дене шынықтыру және спорт жөніндегі мемлекеттік агенттіктің директоры Қанат Аманқұлов қауіпсіздік үшін тайқазаннан бас тарттық дегендері жай ғана сылтау дейді.

"Біз тайқазанды қауіпсіз етіп жасадық. Жалпы, спорттың барлық түрінде тәуекел бар. Мысалы, хоккейде ойыншылар бүйірге жиі соғылады", — деп мәлімдеді Аманқұлов.

Оның айтуынша, Қырғызстанда Өзбекстандағы чемпионатты өткізуге арналған тайқазан жасалып жатыр.
Жырғалбек Саматов тайқазаннан бас тарту идеясын тек 5-10 адам қолпаштап отырғанын, ал қалғандары бұған мүделлі емес екенін айтып өтті.

Айта кетсек, Қазақстан құрамасы былтыр Дүниежүзілік көшпенділер ойындарында жартылай финалда өзбектерден жеңілді. Осыдан кейін ұлттық құрамаға қырғыздардан қорқып, әдейі жеңілді деген сын айтылды. Қазақстанның көкпар федерациясы түсіндіргендей, көшпенділер ойындарына тәжірибе жинау үшін жас көкпаршылар жіберілген. Қазақстан көшпенділер ойындарында жалпы есепте 3-орын алған еді.

 Sputnik




Көрілген: 1095    Пікірлер: 0

дүйсенбі, 18.02.2019, 22:35

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31