Ақсай қаласында жол апатынан 14 адам зардап шегіп, біреуі көз жұмды

29 қыркүйек 2022, 14:19

Ақсай қаласында жол апатынан 14 адам зардап шегіп, біреуі көз жұмды, - деп хабарлайды Alashainasy.kz тілшісі "ҚазАқпарат"-қа сілтеме жасап.

БҚО денсаулық сақтау басқармасының баспасөз хатшысы Айнагүл Сақпосынованың айтуынша, кеше кешкісін жеңіл көлік жолаушылар таситын «ГАЗель» автокөлігімен түйісті.

 

«Жедел жәрдем сағат 18:21-де шақырылды. Жол апаты салдарынан барлығы 14 адам жарақат алды. Соның ішінде 72 жастағы әйел жарақаттары салдарынан ауруханада қайтыс болды. 64 жастағы әйелдің жағдайы орташа ауыр, ол хирургиялық бөлімшеге жатқызылды. Қалған 12-сі амбулаториялық ем алуға жіберілді», - деп хабарлады ведомстводан.

 

БҚО полиция департаментінің баспасөз қызметі оқиғаны растап, толығырақ ақпарат кейін берілетінін жеткізді.

 

Еске сала кетейік, бұдан бұрын автокөлік қағып кеткен ер адамның жағдайы өте ауыр екендігін жазған болатынбыз.