Ақтөбеде жантүршігерлік көлік апатынан бір бала көз жұмды

17 желтоқсан 2022, 20:03

Ақтөбедегі жантүршіктірер оқиға: ішінде жаттықтырушы мен балалар болған көлік жол апатына ұшырады. Өкінішке қарай, бір бала көз жұмды, - деп хабарлайды Alashainasy.kz тілшісі POLICE.KZ-ке сілтеме жасап.

2022 жылғы 17 желтоқсанда Ақтөбе-Болгарка-Шұбарқұдық тасжолының 68 км. Темір ауданының 32 жастағы тұрғыны басқарған «Toyota Estima» автокөлігі аударылды.

 

Автокөлік ішінде 11 адам, оның ішінде 2010-2011 жылдары туған 9 бала болды. Олар Шұбарқұдық ауылынан Ақтөбе қаласына волейболдан жарысқа қатысу үшін шыққан.

 

Нәтижесінде 1 бала жол-көлік оқиғасы болған жерде көз жұмды, қалған 8 бала Ақтөбе қаласындағы Облыстық балалар ауруханасына жеткізілді.

 

Айдос Кулжанов, Ақтөбе облысы ПД ЖПҚБ бастығының орынбасары:

 

– Құрметті азаматтар, ҚР Индустрия және инфрасқұрылымдық даму министрлігінің «Автомобиль көлігімен жолаушылар мен багажды тасымалдау қағидаларын бекіту туралы» 2015 жылғы 26 наурыздағы №349 бұйрығына сәйкес балаларды тасымалдау кезінде полиция қызметкерлерінің ілесіп жүруі үшін белгіленген мерзімге дейін 3 тәулік бұрын сұраныс ұсынылуы қажет.