«Қоршауды бұзып, адам қағып кетті»: Алматы полициясы күдіктіні іздеп жатыр

26 сәуір 2022, 17:38

Алматы аулаларының бірінде шетелдік көлік жүргізушісі қоршауды бұзып, ер адамды қағып, оны капотта бірнеше метрге дейін сүйреп, құлатып кетті. Бұл оқиғаға қатысты қалалық полиция департаменті түсініктеме берді, - деп хабарлайды Alashainasy.kz тілшісі Zakon.kz-ке сілтеме жасап.

 Оқиғаның бейнежазбасы Instagram әлеуметтік желісіндегі парақшалардың бірінде жарияланған еді.

 

 

Куәгерлердің жазуынша, оқиға түнгі сағат 1:00-де Сәтпаев көшесіндегі 29а мекенжейында болған.

 

Көлік ауладан шыға алмады... Көршісі киініп, оны шығаруға келгенше жас жігіт қоршауды бұзып (түбімен қиратып), бір адамды қағып (копотта қалған оны біраз жерге дейін сүйреп, лақтырып кетті). Ер адамның қабырғасы зақымданды, денесі сырылды, джинсиі жыртылды! Көлік көзден таса болды. Нөмірін шешіп тастады (алдыңғы нөмірі шетелдікі, артқы нөмірі қазақстандық). Учаскелік полиция қызметкеріне жүгінгеннен түк шықпады: қоңырау шалмады, келмеді, тексерген де, іздеген де жоқ! – деп жазды видео авторы.

 

Zakon.kz редакциясы түсініктеме алу үшін қалалық полиция департаментіне хабарласты.

 

Бостандық аудандық полиция басқармасының бастығы Думан Аухадиев:

 

– Ер адамды көлік қаққаны тіркелді. Зардап шегушінің айтуынша, қуыстан ақ түсті көлік (шетелдік көлік) шыққан. Қазір бейнежазбаның көмегімен көлік иесін анықтап жатырмыз.