СҚО-да 36 тонна дизель тиелген жүк көлігі аударылды

07 маусым 2022, 09:25

Солтүстік Қазақстан облысында 36 тонна дизель отынын тиеген бензовоз жолда аударылып қалды. Бұл туралы Вaq.kz тілшісі СҚО полиция департаментіне сілтеме жасап жазды, - деп хабарлайды Alashainasy.kz.

СҚО полиция департаменті баспасөз қызметінің мәліметінше, жол-көлік оқиғасы кеше 5 маусым күні сағат 16.20 шамасында Тайынша ауданы Аққұдық елді мекенінің маңында болған.

 

Ауылға бұрылысқа 10 шақырым жетпей «VOLVO» жүк көлігінің жүргізушісі рульге ие бола алмай қалып, машинаны аударып алған.

 

Оның жолдың шетіндегі жыраға түсіп кетуіне дөңгелегінің істен шығуы себеп болуы мүмкін.

 

Көлікті Нұр-Сұлтан қаласының 30 жастағы тұрғыны басқарған.

 

Ол Уәлиханов ауданы Кішкенекөлден астанаға 36 тонна дизель отынын апара жатқан екен.

 

Жол-көлік апаты жайында полицейлерге колоннада келе жатқан басқа жүргізушілер хабарлаған.