Ел жаңалықтары

Арқалықта ерекше қажеттіліктері бар балаларға арналған инклюзивті орталықтар ашылды

  • Арқалықта ерекше қажеттіліктері бар балаларға арналған инклюзивті орталықтар ашылды

    Арқалықта ерекше қажеттіліктері бар балаларға арналған инклюзивті орталықтар ашылды

ҚР Президенті Қ.Тоқаев бастамашылық еткен Игі істер марафоны аясында Арқалықта психологиялық-педагогикалық түзету кабинеті (ППТК) және білім беруде ерекше қажеттілігі бар балаларға арналған Инклюзивті білім беру ресурстық орталығы ашылды. 

Қостанай облысы білім басқармасының мәліметінше, Арқалық қаласында ерекше білім беру қажеттіліктері бар 560-тан астам бала тұрады, оның ішінде 118 бала мүгедек. Сонымен қатар, бүгінгі таңда ерекше бала мамандардың тегін көмегін ала алатын арнайы ұйымдардың желісі жеткіліксіз. Арқалық қаласының өзінде 376 бала арнайы мамандардың кәсіби көмегіне мұқтаж.

Мамандардың уақтылы және білікті кеңестері мен көмегі өмірді жақсы жаққа өзгерте алады және кез-келген баланың, әсіресе мүмкіндігі шектеулі баланың лайықты және табысты болашағына мүмкіндік береді.

«Жаңа ППТК қажетті заманауи жабдықтармен жарақталған: емдік дене шынықтырумен айналысуға арналған кешендер, Монтессори бөлмесі, дидактикалық және көрнекі материалдар, дамытушы және әдістемелік әдебиеттер, сондай-ақ баланың дамуына кешенді бағалау жүргізуге және өткізілетін сабақтардың тиімділігіне мониторинг жүргізуге мүмкіндік беретін бағдарламалық қамтамасыз ету», - дейді «Дара» қорының өкілі Сәуле Бексұлтанова.

Орталықта дефектолог, психолог, логопед, тифлопедагог, ЕДШ нұсқаушысы, әлеуметтік педагог сияқты мамандар жұмыс істейді.

«Психологиялық-педагогикалық түзету кабинетінің қызметі тегін көрсетіледі. Түзету көмегі курсы 3 айдан бір жылға дейін созылады, қажет болған жағдайда курсты ұзартуға болады. Мұндай Кабинет жылына ерекше білім беру қажеттіліктері бар 150 балаға қызмет көрсете алады. Мұндай орталықтардың ерекше бала өсіп келе жатқан отбасылар үшін қолжетімді болуы өте маңызды. Сондықтан «Самұрық-Қазына» АҚ компаниялар тобының қолдауымен олар тек облыс орталықтарында ғана емес, шағын елді мекендерде де ашылуда», - деп «Қазпочта» АҚ өкілі - Арқалық қаласы пошта байланысы торабының бастығы Ұлан Жанзақов атап өтті.

Сонымен қатар, дәл осы күні А. Құнанбаев атындағы мектеп-гимназиясы базасында Инклюзивті білім берудің ресурстық орталығы да ашылды. Инклюзивті білім берудің ресурстық орталығы - бұл оқу процесінде инклюзия қағидаттарын іске асыруда мұғалімдерге көмек көрсету және ерекше білім беру қажеттіліктері бар балаларға сыныпта және мектепте кедергісіз орта қалыптастыру үшін құрылған мектеп кеңістігінің бір бөлігі.

Айта кетейік, «Дара» қоры 2016 жылдан бастап Қостанай облысында «Әр алуан – бірақ тең: Қазақстанда инклюзивті қоғам құру» жобасын жүзеге асыруда және осы уақыт аралығында Қостанай қаласында жалпы білім беретін мектеп базасында ашылған психологиялық-педагогикалық түзету кабинеті мен көзі көрмейтін және нашар көретін балаларға арналған сынып ашылып, қазіргі таңда табысты жұмыс істеуде.

«Samruk-Kazyna Trust» қорының қолдауымен бүкіл Қазақстан бойынша жалпы саны 15 Түзету кабинеті және 16 Ресурстық орталық ашылды.  

 

Байланыс үшін:

Өтетін орны: Арқалық қаласы

1)   Арқалық қ. Психологиялық-педагогикалық түзету кабинеті, мекенжай: Ш.Жәнібек к-сі, 107

2)   ППТК филиалы, мекенжай: Маясов к-сі, 9

3)   Қостанай облысы әкімдігі білім басқармасының «Арқалық қаласының білім бөлімінің А. Құнанбаев атындағы мектеп-гимназиясы» КММ, мекенжай: Ш.Жәнібек к-сі, 91

 Телефон: Қостанай қ., 8 775 676 1578, detstvo@edu-kost.kz

Нұр-Сұлтан қ., 8 701 5504886, assistant@dara.kz




Көрілген: 480    Пікірлер: 0

дүйсенбі, 12.04.2021, 22:00

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31