Ел жаңалықтары

Қауіп әлі сейілмеген: Жамбыл облысындағы жарылыстан кейін тұрғындар басқа жаққа көшірілді

  • Қауіп әлі сейілмеген: Жамбыл облысындағы жарылыстан кейін тұрғындар басқа жаққа көшірілді

    Қауіп әлі сейілмеген: Жамбыл облысындағы жарылыстан кейін тұрғындар басқа жаққа көшірілді

Жамбыл облысында жарылыс болған әскери бөлімге ең жақын орналасқан Қайнар ауылының тұрғындары қауіпсіз жерге көшірілді. Өйткені қауіп әлі сейілмеген. Қайта-қайта жарылыстан әбден қорқып қалған жұрт елдімекенді мүлдем алысқа көшіруді талап етіп отыр, деп хабарлайды Stan.kz ақпарат агенттігі “Астана” арнасына сілтеме жасап.

Жексенбідегі жарылыстан кейін бүгін Қайнар ауылы мен әскери бөлімге керер жолдың барлығы жабылды. Себебі қауіптің беті қайтпаған, қайта жарылуы мүмкін дейді мамандар. Осы себепті алдыңғы жарылыстан зардап шеккен үйлерді қалпына келтіріп жатқан құрылысшылар мен ауыл тұрғындары қауіпсіз аймаққа көшірілді. Олар Тараз қаласы мен жақын маңдағы туыстарының үйіне жіберілген.  

 
46 күннен кейін қайталанған дүмпуден дүйім жұрт қатты қорқып қалған. Сондықтан елдімекенді әскери бөлімнен алысқа көшірсін дейді олар.

Ал ауылды көшіру мәселесін әкімдіктегілер әзір қарап жатқан  жоқпыз дейді.

“Халықпен сөйлесіп шықтық. Қазіргі таңда көшіру мәселесін көтеріп жатқан жоқпыз. Түсіндірдік барлығын. Сондықтан егерде қауіп болатын болса біз тиісті шешім қабылдаймыз”, – дейді Жамбыл облысы әкімінің орынбасары Талғат Мамаев. 

Алдындағы жарылыстан қираған176 нысан әлі толық  қалыпқа келтірілмеген. Құрылыс жұмыстары уақытша тоқтап тұр.  

“Құрылысшылар да 105 адам олар да бүгін жұмысқа жіберілмей жалпы демалысқа жіберілді. Қауіпсіз аймақта. 19 үйдің бәрінің шатыры жабылды. 6 үйдің ішкі жылу жүйелері қайта қалпына келтірілді. Енді осы аптаның соңына дейін 5 үй баспанасына кіреді деген жоспарымыз бар”, – дейді Байзақ ауданы әкімінің оранбасары Қайрат Исмаил.   

Жарылыстың себебі әзірге белгісіз. Бірақ екі күн қатарынан жауған жаңбырдың  әсері болуы мүмкін деген болжам бар.

“Жарылыс әскери бөлімнің ішіндегі жарылғыш заттарды жинайтын орында болды. Қолданыстағы қарулар емес жарылған, алдынғы жарылыстан жиналған снарядтардың қалдықтары. Себебі әзірге белгісіз. Қазір қауіп қайталанбас үшін "Скайларк" апараты, яғни дрон ұшырдық. Бұл  жарылыс кезінде әскерилер болған жоқ. Ауыл адамдары да аман”, – дейді Тараз гарнизоны баспасөз қызметі Дина Мухаринова.

Тұрғындарға қауіп-қатер төнбес үшін  жарылғыш заттарды сол жерде немесе елдімекендерден алшақ жерге апарып, көзін жою мәселесін штаб мүшелері қазір қарастырып жатыр.




Көрілген: 356    Пікірлер: 0

сейсенбі, 12.10.2021, 08:40

Достарыңмен бөліс:





  • СОҢҒЫ ЖАРИЯЛАНЫМДАР:
    6 Желтоқсан, 11:26
    ТАРИХ ЖАСАҒАН ТҰЛҒА

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31