Нұр-Сұлтанда коронавирустың 4585 белсенді ошағы тіркелді

22 шілде 2021, 13:54

Нұр-Сұлтан қаласы бас санитар дәрігерінің орынбасары Жанна Пралиева коронавируспен ауырып жатқан елордалықтардың жас құрамы туралы мәлімет берді, деп хабарлайды ҚазАқпарат.

«Науқастардың 80 пайызы ересектер, 16,6 пайыз балалар және 2,7 пайызы жасөспірімдер. Ересек науқастарға тоқталсақ, науқастардың 22,6 пайызын 30-39 жас арасындағылар, 40-49 аралсындағы адамдар 13,9 пайызын, 50-59 жас арасындағылар 14,1 пайызын, 18-29 арасындағылар 16,2 пайызын, 60-тан асқандар 137 пайызын құрайды», - деген бас санитардың орынбасары әкімдіктің онлайн брифингісінде.

Онаың айтуынша, азіргі таңда белсенді ошақтардың саны 4585-ке жеткен.

«Оның ішінде 2871-і үйдегі ошақ. Науқаспен байланыста болғандардың саны – 3122 адам. Вирустың қарқын алуындағы басты себептердің бірі дельта-штамның пайда болуы екенін білесіздер», - деді Данна Пралиева.