Ел жаңалықтары

Президент Маңғыстаудағы 12 ауылды сапалы ауызсумен қамтамасыз етуді тапсырды

  • Президент Маңғыстаудағы 12 ауылды сапалы ауызсумен қамтамасыз етуді тапсырды

    Президент Маңғыстаудағы 12 ауылды сапалы ауызсумен қамтамасыз етуді тапсырды

Мемлекет басшысы Қасым-Жомарт Тоқаев Маңғыстау облысының әлеуметтік-экономикалық дамуы жөнінде кеңес өткізді, деп жазады nur.kz порталы. 

Оның барысында президент облыстағы өзекті проблемалардың бірі – өңір тұрғындарының әлі күнге дейін сапалы ауызсумен толық қамтамасыз етілмегенін айтты. Қасым-Жомарт Тоқаев өңірде қыруар қаржының түрлі қымбат ғимараттар салуға және басқа да мақсаттарға жұмсалып жатқанын атап өтті. 

Оның айтуынша, бұл да керек, бірақ, ешқайсысы судан маңызды емес. "Мен жолдауымда Кендірлі елді мекенінде су тұшыту зауытын салуды тапсырған болатынмын. Үкімет "Самұрық-Қазына" қорымен бірлесіп, 2024 жылдың соңына дейін зауытты іске қосуы керек. Ауылдық жерлер әлі күнге дейін сапалы ауызсуға мұқтаж. Облыстағы 12 елді мекенде, яғни ауылдардың 20 пайызында ауызсу жоқ. Биыл 4 ауылға ғана су жеткізу жоспарланған. Бұл жұмыстың қарқыны өте баяу. Әкімдікке келесі жылдың соңына дейін осы 12 ауылдың бәріне таза су беруді тапсырамын", – дейді президент. 

 Мемлекет басшысы 2025 жылға қарай суға деген сұраныс арта түсетінін айтты. Осы орайда президент Ақтау қаласын сумен қамтамасыз ету мәселесін шешу үшін үкімет пен өңір әкімдігіне "МАЭК-Қазатомөнеркәсіп" кешенін жаңғырту жөніндегі іс-шаралардың шұғыл жоспарын әзірлеуді тапсырды. 

Одан бөлек, Қасым-Жомарт Тоқаев шенеуніктердің біліксіздігінен "Каспий" су тұшыту зауытының қуатын арттыру жобасының жүзеге асырылуы созбалаңға салынып кеткенін және жобаның құны көтерілгенін сынға алды. Президент жыл соңына дейін аталған жобаны аяқтауды тапсырды. 




Көрілген: 518    Пікірлер: 0

бейсенбі, 23.09.2021, 00:55

Достарыңмен бөліс:





  • СОҢҒЫ ЖАРИЯЛАНЫМДАР:
    23 Қазан, 00:44
    QAZFORUM-2021 БАСТАЛАДЫ

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31