Ел жаңалықтары

"Сайлау екі рет өтеді": Экстрасенстер мен көріпкелдер Қазақстанда кім президент болатынын болжады

  • "Сайлау екі рет өтеді": Экстрасенстер мен көріпкелдер Қазақстанда кім президент болатынын болжады

 Елімізде сайлау науқаны басталысымен нумеролог, астролог, экстрасенстердің жұмысы қыза түсті. Мамандар елді болашақта басқаратын президентке үміткерлердің туған күндеріне қарап, кімнің айы оңынан туып, кімнің бұл лауазымға қол жеткізетінін болжап жатыр.


Бұл туралы Еуразия бірінші арнасына сілтеп Stan.kz хабарлайды.


Елімізде өтетін кезектен тыс президенттік сайлауға екі айдан аз уақыт қалды. Партия өкілдері саяси додаға қатысатын өз үміткеріне таңдау жасап жатқанда, келешекті болжайтын мамандардың да жұмысы қыза түскендей. Арқасы барлардың бірі ата-бабаларымен байланысқа түссе, өзгесі отпен түрлі жорамалдар жасауда. Айтқандары әртүрлі болғанымен, бәрі бірауыздан бұл сайлау бұрынғыға қарағанда әлдеқайда қызу-тартысқа толы болады дейді.


"Өз басым президенттікке үміткер ретінде тек 3 адамды көріп отырмын. Оның біреуінің суреті осында тұр. Ал қалған екеуі мұнда жоқ", - деді экстрасенс Виктор Александровскийн.


Қазірдің өзінде әлеуметтік желіде сайлауға түсуі мүмкін кандидаттардың аты-жөні айтылуда. Әзірге болжамға сәйкес, Азат Перуашев, Әли Бектаев, Айқын Қоңыров, Жармақан Тұяқбаев секілді пария серкелері маңызды додада бақтарын сынап көреді. Ал, кейбір бақсы-балгерлер болса олардың сайлауға қатыса қалған күннің өзінде жеңіске жетуі екіталай дейді. Мәселен о дүниелік болған ата-бабасымен жиі байланысқа түсетін Тоқберген Байтасов бұл үміткерлердің ешқайсысы дара шаппайтынын айтады.


"Сайлау үлкен дүрбелеңмен өтеді. Талас-тартыс болады және сайлау екі рет өтеді. Тылсым күштердің ескертуі бойынша екі-үш адамның мүмкіндігі бар. Бірақ оны біздер әзірге айта қоймаймыз. Өйткені, әлі толық ешкім өзін ұсынып, жарысқа түсе қойған жоқ. Бірақ, бұлардың ішінде ел басқаруға лайық азаматтар бар", - дейді бақсы Тоқберген Байтасов.


Кандидат боулы ықтимал деген жоғарыдағы азаматтардың туған жылын нумерологтарға көрсеттік. Мәселен, сенатор Әли Бектаевтың нумерологиясында 4,6 саны көп. "Ол еңбекқорлықтың белгісі" дейді мамандар. Дегенмен, сәттілікке жауап беретін, 7-8 сандары жоқ.


"Бұл адамның кодында үкімет жұмысын жасайтын, шенеуніктің коды бар. +0356 Президент болады дегенге 100 пайыз айта алмаймын. Сандары орташа", - дейді нумеролог Құралай Бақытқызы.


Ал, Азат Перуашев пен Айқын Қоңыровтың мемлекеттік қызметте емес, бизнесте біраз жетістікке қол жеткізетіндерін айтады. Сондықтан да сайлауға түсуге әлі ертерек дейді. Дегенмен, алдағы дода егер қатыса қалған жаңдайда олар үшін сәтті болатын көрінеді. Танымалдылығы артады, тәжірибе жинайды.


"47 жылғы... 0128 23 қараша 47 жылы дүниеге келген. Бұл жыл бұл кісіге өте жақсы жыл. Жұмысын ауыстырады. Бұл кісі президент болғысы келсе, оған сәтті. Сәттілікке жауап беретін сандары көп болып тұр", - деді нумеролог Құралай Бақытқызы.


Осылайша болашақты бұлжытпай болжайды деген адамдардың өзі алдағы сайлауда кімнің бабы мен бағы келісетініг дөп басып айта алмады. Дегенмен 2019 жылдың 9 маусымы ырымдап таңдалған дата екенін айтады. Яғни, болжамшылардың пікірінше, жылдың екінші жартысында елімізде жаңа цикл басталмақ. Халықтың әл-әуқаты жақсарып, экономикалық, рухани жетістіктерге қол жеткіземіз.


Stan.kz




Көрілген: 9570    Пікірлер: 0

бейсенбі, 11.04.2019, 21:28

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31