Ел жаңалықтары

Түркістан облысында баланы жертөлеге қамап қойған тәрбиеші кешірім сұрады

  • Түркістан облысында баланы жертөлеге қамап қойған тәрбиеші кешірім сұрады

    Түркістан облысында баланы жертөлеге қамап қойған тәрбиеші кешірім сұрады

Түркістан облысындағы ауылдардың бірінде баланы жертөлеге қамап қойған тәрбиеші кешірім сұрады, деп хабарлайды Stan.kz ақпарат агенттігі.

Осыған дейін Сарағаш ауданына қарасты Құркелес ауылының “Ақ көгершін” балабақшасында тәрбиеші баланы жер төлеге қамап қойғаны туралы жазғанбыз. Бұл туралы желі қолданушыларының бірі Нұрсұлтан Тошаев мәлімдеген болатын. 

Бүгін тәрбиеші халықтан және баланың ата-анасынан кешірім сұрады. 

“Барша халықтан және баланың ата-анасынан шын жүректен кешірім сұраймын. Баланың өтінішін орындағаным үшін кінәлі болып отырмын. Қандай жағдай болмасын кешірім өтінемін”, – деп кешірім сұрады тәрбиеші. 

Ал баланың ата-анасы ешкімнің көз жасына қалғылары келмейтінін айтты. Олар полицияға жазған арыздарын кері алуға келісім берген. 

“Халықтың алдында кешірім сұрап тұр, кешірмей қайда барамыз. Аяқ астынан барып қалмасақ, бұл жағдай жалғаса беруі мүмкін еді. Мен бұл кісінің көз жасына қалғым келмейді, тәрбиешіден ешнәрсе талап етпейміз де. Тек мұндай жағдай қайталанғанын қаламаймыз”, – дейді баланың әкесі.

Алайда баланың анасы жертөледегі баласын көрген кезде қаншалықты жаман болғанын айтты. Кешіру ойымда болмады, бірақ жағдайын ескердім дейді ол. 

“Бала ойыншық емес, ата-ана аманат қылып тапсырып кетеміз. Баланы қарағымыз келмегеннен емес, жұмыста болғандықтан балабақшаға апарамыз. Сіздер тәрбие беріп жатыр, қарап жатыр деп сенеміз. Мен баламның жертөледе отырғанын өз көзіммен көрдім. Басқа ата-ананың басына бермесін. Баламды жертөледен өз қолыммен шығарып алдым. Баламның жертөледе отырғанын көрген ана ретінде оңай болған жоқ. Кешірім беретін ойым болмаған еді, аяғым ауыр деп жылап тұрғаннан кейін кешірім бердік”, – дейді жертөлеге қамалған баланың анасы.

Осылайша баланың ата-анасы тәрбиешіні кешіргенін жеткізді. 




Көрілген: 1483    Пікірлер: 0

бейсенбі, 14.10.2021, 22:34

Достарыңмен бөліс:





  • СОҢҒЫ ЖАРИЯЛАНЫМДАР:
    6 Желтоқсан, 11:26
    ТАРИХ ЖАСАҒАН ТҰЛҒА

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31