1 сәуірден бастап айыппұл туралы хабарлама eGov-тағы жеке кабинетке келеді
Қазір құзырлы орган жүргізушіге айыппұл салғаны туралы хабарламаны eGov.kz порталында тіркелген телефон нөміріне SMS түрінде жібереді. Бірақ азаматтар телефон нөмірін өзгертіп жіберуі немесе бастапқыда қате нөмір тіркеуі мүмкін. Салдарынан машинаны қайта тіркеу үшін тексергенде олар атында айыппұл барын білмегенін айтады, - деп хабарлайды Alashainasy.kz тілшісі Кolesa.kz-ке сілтеме жасап.
2023 жылғы 1 сәуірден бастап Әкімшілік кодекске өзгеріс еніп, осы кемшілік түзеледі. Енді «пайдаланушының „электронды үкімет“ веб-порталындағы жеке кабинетіне және абонент нөміріне мәтіндік хабарлама жіберілген жағдайда» айыппұл төлеу туралы бұйрық дұрыс жетті деп саналады.
Сол үшін электронды-цифрлы қолтаңба (ЭЦҚ) алып, жеке кабинетіңізді үнемі тексеріп тұрыңыз. Айыппұл бар-жоғын қазір қалай тексеріп жүрсіз?
