Жаңалықтар

Дәулет Төлеутайұлы: "Алтын белгі" оңды-солды таратылып, ығай мен сығайлар алып жатыр

  • Дәулет Төлеутайұлы:

    Дәулет Төлеутайұлы: "Алтын белгі" оңды-солды таратылып, ығай мен сығайлар алып жатыр

“Біз үшін құны жоқ "Алтын белгі" беруді тоқтату керек!!! Мен мектеп бітірген жылдары "Алтын белгінің" кәдімгідей дәрежесі бар еді. Кез келген оқушы ала бермейтін. ҰБТ шкаласына сай, талай оқушы осы бір белгіге 1 балл жетпей медаль ала алмай кеткен еді. Бәсеке сұмдық еді. 2018 жылдан бастап медальді тек мектепте беретін болды. Бұрын медаль алғандар грант аларда басымдыққа ие болатын. Қазір ондай емес. 2018 жылға дейін орта есеппен 2000 ғана мектеп оқушысы алатын. 2018 жылдан бері жыл өткен сайын медаль алушылар көбейіп барады. Статистиканы қараңыздар: 2019 жылы – 7349, 2020 жылы – 8615 оқушы, 2021 жылы – 9738 оқушы "Алтын белгі" алған. Яғни әр жыл сайын осы атаққа құмартушылар саны көбеюде. Ығай мен сығайлар қатары көбеюде. Медаль оңды-солды таратылуда. Сол алтын белгі алғандар арасында ҰБТ-дан шекті балл (60 балл) ала алмай жүргендерді де көріп жатырмыз. 11 жыл мектепті 5-ке оқыған бала қалайша 140 балдан 60-ын ала алмайды?! Нәтиже қайда? Бұл білімге жасалып жатқан қиянат!!!”, – деп жазды.

 
Блогер дәл осы “Алтын белгі” үшін мемлекеттен 100 миллионға жуық ақша жұмсалатынын айтты. Алайда оның ешкімге берер пайдасы жоқ. 

“Енді мынаны қараңыздар, осы бір медаль құны бюджетке шамамен 10000 теңге. 9738 медальға бюджеттен 97.000.000 астам ақша кетті деген сөз. Бұнымен біреулер ақша жасап отыр!!! Бұндай темппен жалғаса берсе, медаль алушылар көбейе беріп, бюджет шығынға бата береді! Биылғы, алдағы жылдары медаль алушылар (ата-ана) маған қарсы шығуы мүмкін, бірақ уақыт өте сіздер түсінесіздер, бұл ештеңеге жарамайтын медаль. Тіпті ломбард алмайды. Бұл сөзімді осы кезге дейін "Алтын белгі" алғандар растайды. Бюджеттен кетіп жатқан 100 миллионға жуық ақшаны басқа нәрсеге жаратуға болады. Мектеп оқушыларына аттестаттағы "Алтын белгі" деген жазу жетеді!!!”, – деді Дәулет Мұқаев.

Білім және ғылым министрі Асхат Аймағамбетов Қазақстанда енді "Алтын белгі" иегерлеріне қойылатын талаптардың күшейетінін айтты.

“Кеше ғана "Алтын белгі" мәселесін көтеріп едім. Алдағы оқу жылынан бастап "Алтын белгіге" үміткерлер үшін талап одан сайын күшейеді. Медальді оңды-солды тарату болмайды. "Біз талаптарды кезең-кезеңмен жыл сайын өзгертіп жатырмыз. Биыл енді екінші кезең қамтылады. Екінші кезең дегеніміз, тоқсандық "бес" бағасымен қатар, үміткерлердің 5-11 сынып аралығындағы барлық тоқсандық бағалары да "5" болуы керек деген қағида енгізіледі", - деді білім және ғылым министрі.

Министрдің айтуынша, түлектер үшін емтиханды тәуелсіз ұйым өткізеді. Асхат Аймағамбетов бұл реформа оң нәжесін береді деп сенеді. Өте дұрыс шешім”, – деп жазды блогер.

Айта кетейік, білім және ғылым министрі Асхат Аймағамбетов Қазақстандағы мектеп директорларына оқу жүктемесіне сәйкес жалақы төленетінін хабарлады.

stan.kz




Көрілген: 219    Пікірлер: 0

дүйсенбі, 23.08.2021, 10:22

Достарыңмен бөліс:





  • СОҢҒЫ ЖАРИЯЛАНЫМДАР:
    23 Қазан, 00:34
    Ұстаз мерейі
    24 Қыркүйек, 17:13
    Табиғаттың өзі емші!

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31