Жаңалықтар

Елімізде оқушыға қол көтерген мұғалімді соттау ұсынылды

  • Сурет ашық дереккөзден

    Сурет ашық дереккөзден

Ішкі істер министрлігі балаларды азаптағаны үшін мектеп мұғалімдері мен балабақша тәрбиешілерін қылмыстық жауапкершілікке тартуды ұсынды. Кеңес ретінде ұсынылған құжат "Ашық НҚА" порталында пайда болды, деп хабарлайды Express Qazaqstan.

 

Ішкі істер министрлігі Қылмыстық кодекстің 146-бабына ("Азаптау") өзгеріс енгізуді ұсынады. Министрлік ұсынысы бойынша қылмыс жасаған адамдар тізімін кеңейту қажет. Сондай-ақ олар "ресми тұлға ретінде әрекет ететін адам" деген түсінікті заңдастырып, "қатыгез, адамгершілікке жатпайтын немесе ар-намысты қорлайтын іс-әрекеттер" деген жаңа термин енгізуді ұсынады.

 

Қазір адам азаптағаны (немесе азаптауға біреуді айдап салғаны әлде үнсіз келісім бергені) үшін қылмыстық жауапкершілік тек полициядағы тергеушілер сияқты лауазымды тұлғаларға қатысты қолданылады. Ал енді Ішкі істер министрлігі ұсынған өзгертулер енгізілсе, онда оқу орнында (мектептер, лицейлер, колледждер, жоғары оқу орындары), тәрбие беру мекемелерінде (балабақшалар, балалар үйлері, интернаттар), емдеу орындарында (емханалар, психо-наркологиялық диспансер) және медициналық-әлеуметтік ұйымдарда (қарттар және мүгедектер үйі, нарко және тубдиспансерлер) жұмыс істейтін қызметкерлер де сотталатын болады. Яғни педагог, инструктор, медбике, санитар, тәрбиеші, вахтер сияқты кез-келген қызметкер қылмыстық жазаға тартылады.

 

Ел Конституциясының 17-бабына сәйкес, ешкімге қатыгез немесе адам қадір-қасиетін қорлайтындай жәбір көрсетуге не жазалауға болмайды. Дегенмен тура осындай ұғым қолданыстағы Заңда бекітілмеген.

 

Осыған байланысты "қатыгез, адамгершілікке жатпайтын немесе ар-намысты қорлайтын іс-әрекеттер" деген құқық бұзушылықтың жаңа ұғымы енгізіледі.

 

Бас прокуратураның Құқықтық статистика және арнайы есепке алу жөніндегі комитетінің мәліметіне сәйкес, 2017 жылдан бастап биылғы 8 айға дейін елімізде азаптауларға қатысты 3029 өтініш тіркелген. Олардың тек 56-сы немесе 1,8 пайызы ғана сотқа жолданды.

 

 

 

 




Көрілген: 1191    Пікірлер: 0

сенбі, 09.10.2021, 00:31

Достарыңмен бөліс:





  • СОҢҒЫ ЖАРИЯЛАНЫМДАР:
    23 Қазан, 00:34
    Ұстаз мерейі

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31