Жаңалықтар

Қызылордалық мұғалім қазақтілді математика сайтын жасап шығарды

  • © ҚазАқпарат

    © ҚазАқпарат

Қызылорда қаласындағы Назарбаев Зияткерлік мектебінің мұғалімі Мұхтар Бегайдаров мектеп оқушылары мен мұғалімдерге арнап математикалық сайт шығарды, деп хабарлайды ҚазАқпарат НЗМ баспасөз қызметіне сілтеме жасап.


Сайт авторының айтуынша, мұндай идея екі жыл бұрын ойына келген. Бұған ең бірінші кезекте қазақ тіліндегі материалдардың жетіспеушілігі себеп болған екен. Осыны байқаған Мұхтар математика пәнінен оқулықтардың электронды нұсқаларын бір веб-параққа жинақтауды қолға алған.


 

«Алдымен 600-ден астам кітап, видео-оқулықтар, ғылыми мақалалар және тақырыптық теориялық материалдар жүктелді. Кейін әріптестерімнің кеңесі бойынша онлайн-платформаны түрлі ресурстармен және құралдармен толықтырдым. Сайтта әдістемелік нұсқаулықтан басқа, қорытынды емтиханға дайындалуға арналған әртүрлі тест тапсырмалары бар», - дейді Мұхтар Бегайдаров.

 

Сонымен қатар, пән бойынша білімді тексеруге арналған олимпиадалық бөлім ашылған. «2018 жылдан бастап сайтты «NISmath» деп атадым. Өткен жылғы түлек Арман Әлішер сайт логотипін жасауға көмектесті. Тағы бір оқушым - Нұрбол Бижігіт оның мобильді нұсқасын әзірледі»,- дейді ол.


 

Оқырмандар мен сайт пайдаланушылар географиясы күн сайын артып келеді. Алғашқы жылдары платформаны 1000-ға жуық адам қолданса, биыл бір ғана айдың ішінде жүйе 23000 белсенді қолданушыны тіркеді.

 

«Сайт өте қолжетімді және заманауи білім беру бағдарламасына бейімделген. Барлық ресурстар - тегін, бұл пайдаланушылар үшін өте маңызды. Мен өз тәжірибемде оқулықтарды, тапсырмаларды жиі қолданамын. Сабақтарда сайттың қосалқы қосымшаларын пайдаланамы», - дейді Түркістан облысындағы ауыл мектебінің мұғалімі Жазира Балаби.

 

Бүгінде «NISmath» көмегіне еліміздің педагогтары мен оқушылары жүгінеді. Мұхтардың бұл авторлық жобасын пайдаланушылар ғана емес, сонымен қатар мұғалімдер арасында өткізілетін дәстүрлі республикалық білім сайысының сарапшылары да жоғары бағалады. Педагогикалық идеялар фестивалінің «Шеберлік палитрасы» бөлімінде «nismath.org» интернет-платформасы әріптестердің үлкен қызығушылығын тудырды, ал жобаны қорғаған кезде қатысушылардың 100 пайызы платформаның белсенді қолданушылары болып шықты. Байқау нәтижесінде М.Бегайдаровтың математикалық сайты таратуға және тәжірибеде қолдануға лайықты үздік идея деп танылды.


 

Айта кету керек, Мұхтар Бегайдаров – бос уақытында өз бастамасы бойынша мектеп оқушылары мен мұғалімдерге жаңа білімді меңгеруге және математиканы бағындыруға көмектесетін Сыр өңіріндегі ең танымал еріктілердің бірі.


 




Көрілген: 290    Пікірлер: 0

сәрсенбі, 05.02.2020, 12:28

Достарыңмен бөліс:

2
  • СОҢҒЫ ЖАРИЯЛАНЫМДАР:
    26 Наурыз, 23:08
    Мектепте оқу қауіпті
    1 Наурыз, 20:14
    Алғыс айтып жүрейік...

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30