Жұлдыз
Радиосы
Өңірлердегі ҚХА хатшылықтарының меңгерушілері қатысқан жиналыс болды
-
Өңірлердегі ҚХА хатшылықтарының меңгерушілері қатысқан жиналыс болды
Бүгін ҚР Тұңғыш Президенті кітапханасында Астана, Алматы, Шымкент қалаларының және облыстардың ассамблея хатшылықтары меңгерушілерімен жұмыс жиналысы болды. Жиын Қазақстан халқы Ассамблеясы Төрағасының орынбасары, ҚР Президенті Әкімшілігі ҚХА Хатшылығының меңгерушісі Леонид Прокопенконың төрағалығымен өтті, - деп хабарлайды Алаш айнасы.
Жиынға ҚХА Төрағасының орынбасарлары И.Салжанов және В.Тварионас, Парламент Мәжілісінің депутаты Ю.Тимощенко, Президент Әкімшілігінің Ішкі саясат бөлімінің және Қоғамдық даму министрлігінің өкілдері, Ассамблея құрылымының басшылары да қатысты.
Жиынға қатысушылар ҚР «Қазақстан халқы Ассамблеясы туралы» жаңартылған Заңды іске асыру бойынша іс-шаралар жоспарының жобасын, оның ішінде Ассамблеяның этномәдени бірлестіктерін қоғамдық аккредитациялау ережесін талқыға салды.
Сонымен қатар, «Қазақстанның 100 жаңа есімі», «Қазақтану», «Ұлы дала Елінің киелі мұралары» жобаларын іске асыру мәселелері туралы да сөз болды. Ассамблеяның биылғы жылдың соңына дейінгі жұмыс жоспары нақтыланып, Мемлекет басшысының ҚХА-ның XXVI сессиясында берген тапсырмаларын іске асыру барысы талданды. ҚХА Төрағасының орынбасары Л.Прокопенко бірқатар нақты тапсырмалар беріп, жиналысты қорытындылады.
Нұрлы Еділов
