Елордада дәстүрлі музыка кеші өтті

21 мамыр 2021, 11:33

Елордада Нұр-Сұлтан қаласы әкімдігінің мемлекеттік академиялық филармониясы Халық әні бөлімінің «Жаңа толқын» дәстүрлі музыка кеші өтті.
Кештің мақсаты Ұлттық өнеріміз ұлықтап, қасиетті қара домбыраның үні мен қазақы қоңыр әндердің салтанат құрған кешін елорда тыңдармандарына ұсыну болды - дейді өнерпаздар. 
Ақан сері, Біржан сал, Мұхиттардан бастау алған әншілік өнерді жалғастыратын аға буын осы кеште жас әншілерге үміт артып,  болашағынан зор үміт күттіретін дарын иелері жоғарғы деңгейде өнер көрсетіп, көрермен қошеметіне бөленді. Кеште «Қорқыт» этно-ансамблі мен «Шалқыма» Халық би ансамблі, Республикалық және халықаралық байқаулардың лауреаттары  - Нұржан Мейірхан, Алуа Қалымбекова,  Айнұр Қонысбаева, Айдос Оңғарбай, Жандос Иманбай, Дарын Құдайберген, Арафат Ысқақов, Жақсыкелді Маясаров, Шолпан Шарапатова, Өзгеріс Шерікбай, Бейбіт Мұсаев, Сәулежан Тағзия сынды талантты жаңа толқын өнер көрсетті.

Ұлттық өнеріміз жасай берсін, жаңа толқын – жас талант иелеріне сәттілік тілейміз. Қазақстан Республикасының мәдениет қызметкерлері күні құтты болсын - дейді халық өнерінің иелері.
baq.kz