Өркениет

Мұхамеджан Тазабек: Қасиетті жұмада мешітке бас сұғып бара алмай қалдық

  • Видеодан кадр

    Видеодан кадр

Отандық танымал айтыскер ақын Мұхамеджан Тазабек енгізілген карантин режимі кезінде мешіттердің жабылуына қатысты өз пікірін білдірді. Ол халықтың қасиетті жұмада мешітке бара алмай жатқанына күйінді деп жазады KAZ.NUR.KZ.

 

Мұхамеджан Тазабек Instagram желісінде ауқымды жазба жариялап, карантинге орай мешіттердің жабылу мәселесін көтерді. "Асыл арна" директоры бұл жайында өз ойын ашық білдірген.

 

"Пендеміз ғой. Күнделікті дастархан мен дәретхананың арасындағы тірлікке тиянақтымыз. Бесік пен бейіттің арасындағы өткінші өмірге қаттырақ уайымдаймыз. Басымызға күтпеген сынақтар келіп, ел-жұрт абыржып, бір түрлі бір уыс боп, бүктетіліп қалдық. Алланың не қалағаны бар?! Пенделерінен не күтеді?! Жан-жақтағы жағдайдан лайықты ғибрат алып, керекті кешірім жүрегімізден шығып жатыр ма?!

Ауызымыз не айтпады, қолымыз неге бармады?! Көзіміз нені көрмеді, көңіліміз неге шаппады?! Ештеңе жауапсыз қалмайды. Артық сөзбен асылық айтып, қанағатсыздықпен қасірет тауып алған жоқпыз ба?! Нәпсімізді күйттейміз деп, Алланы ашуландырып алған жоқпыз ба?! Жер бетіндегі патшалар егелік қыла алмайтын, әлемдердің патшасы ғана назарына алған мешіттерге бара алмай қалсақ, салмақты себептерген қасиетті хұтпаға құлақ қойып, дұға қайтарылмайтын сәттерде жамағатпен иық тіресіп тұра алмасақ, біз терең ойланып, терең тәубе қылуымыз керек.


Қонаққа шақырылмай қалсақ та, құрметпен сөз берілмей қалса да ренжитін пендеміз ғой, ал, қасиетті күні, қасиетті мешітке бас сұғып бара алмай жатсақ, неге ойланбасқа, неге Аллаға тәубе жасап, нұрға малынған күндерімізді жалынып сұрамасқа?! Әр нәрсе Алланың қалауымен болады. Вирус та тоқтап, карантин да кетер. Бірақ, соған себеп болған, Алланың алдында дәрежемізді түсіріп, дабылымызды қақтырған күнәміз кешірілер ме, кесіріміз кесілер ме?!

Санамыз сәулеленіп, жүрегіміз мейірленіп, дүниеміз ізгі жолға жұмсалар ма?! Құдайдың құдіретін көріп тұрып, пенденің әлсіздігін сезіп тұрып, әлемдік дүрбелеңнен сабақ алмай, дүние-ақыреттің қамына қадам баспай, қаперсіз хәлде адасып жүргеннен Алла сақтасын! Шуақты күндеріміз оралып, тұрақты тірлігіміз қалпына келгей! Алла баршамыздың пенделігімізді кешірсін! Ақиқатты ақиқат, жалғанды жалған қып көрсетіп, жәрдемсіз қалдырмасын" , - деп жазды Мұхамеджан Тазабек. 




Көрілген: 961    Пікірлер: 0

жұма, 20.03.2020, 15:54

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31