Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Нұржан Керменбаев Салтанат Бақаеваны қызғанатынын айтты

28 наурыз 2019, 10:40

Нұржан Керменбаев "Арнау" тобындағы әріптесі Салтанат Бақаеваны қызғанатынын жасырмай айтып берді деп жазады "Хабар" арнасының "Ережесіз әңгіме" бағдарламасына сілтеме жасаған KAZ.NUR.KZ.

Бағдарлама жүргізушісі Айнұр Асанберді әншіге: "Сарамен клип түсіргеннен кейін сіздің өнердегі екінші жұбыңыз Салтанат ханымның қызғанып қалғанын естідік", - деп сауал жолдаған.

Ал әнші бұл жайында естімегенін және өзінің де Салтанатты қызғанған сәті болғанын еске алды.

"Солай ма? Өзім ол туралы естімеппін. Мүмкін шығар енді. Біз енді әріптес ретінде, "Арнау" тобы болып келе жатқанымызға біраз уақыт болды.

Сондықтан тек қана Сарамен емес шығар. Жалпы қыздармен айтқанда сөйтіп қызғанатын шығар.

Қызғану да дұрыс болар, бәлкім. Өйткені, біз бір ұжымбыз ғой. Ондай қызғаныштар орынды деп ойлаймын.
Мен де қызғанар едім. Бір жобада мен Айдана Меденовамен, Салтанат Қуандық Рахыммен айтты. Сол кезде мен де көрдім. Іштей білдіртпейсің ғой.

Мен Салтанатты жарым сияқты қызғанған жоқпын. Бір өнердегі ұжымдасым ретінде қызғаныш болды. Салтанатта да сол дүние болған шығар", - деп ағынан жарылды Нұржан Керменбаев.

Айта кетейік, бұған дейін Нұржан Керменбаев Астанадағы бес қыздың өлімінен соң той жасаудан бас тартқанын ашып айтты.