Ғалымдар қартаюдың емін тапты
Жапон ғалымдары қартаюды тоқтатып, ағзаны нығайтатын дәрі тапты. Оны қолдану бес-он жылдан кейін басталуы мүмкін. Бұл туралы Токио университетінің медицина ҒЗИ профессоры Макото Наканиси айтты, деп хабарлайды Stan.kz ақпарат агенттігі.
Қартаю қабыну процестерін тудыратын органдарда жасушалардың жиналуына байланысты. Мұндай жасушалардың бірі - қартайған немесе сенесцентті жасушалар. Уақыт өте келе олар бөліну қабілетінен айырылады, органдарда жиналып, қартаюға әкеледі.
"Егер сіз осы жасушаларды алып тастасаңыз, олар тудырған қабыну процестерін тоқтатуға болады. Осылайша қарттық белгілерінің айтарлықтай жақсаруына қол жеткізесіз", - деп түсіндірді ғалым.
Қартаю жасушасына глутаминді глутамин қышқылына айналдыратын GLS1 ферменті қажет екені белгілі болды. Егер адам осы ферменттің ингибиторын қолданса, кәрілікті тудыратын жасушаларды жоюға болады.
Бұл гипотезаны тексеру үшін ғалымдар ескі тышқанға белгілі бір қатерлі ісік түрлеріне қарсы қолданылатын дәрі енгізді, оның дамуына GLS1 де қолданылады. Нәтижесінде тышқанның бүйрек, бауыр және өкпесі жақсы жұмыс істей бастады, жалпы ағзасы нығаяды.
