ДАРЫН

Жеті айынан тарихты зерттейтін 3 жасар павлодарлық бүлдіршін Галкинді тәнті етті (видео)

  • Фото: жеке мұрағаттан

    Фото: жеке мұрағаттан

Павлодарлық Макар Щербаков ресейлік "Лучше всех" бағдарламасына қатысып, көпшілікті ерекше қабілетімен тәнті етті. Жеті айынан бастап, тарихты зерттеп келе жатқанын айтқан үш жасар балақай Максим Гакинді таңғалдырған деп жазады KAZ.NUR.KZ.


Павлодар тумасы кішкентайынан жер мен ғаламшардағы тіршіліктің пайда болуына асқан қызығушылық танытқан.


Дарынды баланың анасы танымал бағдарламаға шақырту алу күтпеген тосын сый болғанын айтады. Лилия Ушакова ұлына жеті айынан бастап кітап оқыған. Сол себепті, бүгінде Макар кітаптарды жанындай жақсы көреді.


Оның екі жасына дейін ата-анасы мейрамдарға сыйлық таңдаудан қиналмаған. Өйткені, бүлдіршін үшін кез келген жаңа энциклопедия үлкен сыйға тең болған.



Макарға көбінесе ежелгі дәуір мен жердегі тіршіліктің пайда болуы туралы оқыған. Балақай жаңа мәліметтерді ести сала, бірден әкесіне барып айтып беретін болған. Лилия ұлының ерекше сәтін бейнекамераға таспалап алады.


"Түсірген видеомды тек үш айдан кейін бағдарламаға жібердім. Бізге ертесіне қоңырау шалды. Онымен алдымен Skype арқылы менеджер, кейіннен режиссер сөйлесті. Нәтижесінде, бізді бағдарламаға шақырды" , - деп есіне алды Лилия Ушакова.



Бағдарлама басшылығы павлодарлық отбасыға ұшаққа билет жіберіп, түсірілім уақытында Мәскеуде тұратын пәтерді төлеп берген. Ерлі-зайыптылар ұлының ерекше қабілетін көпшілікке паш етпек болып, Ресейге аттанған.



Айта кетерлігі, түсірілім алдында мүлде дайындық болмаған. Лилияның сөзінше, жоба авторлары үш жасар баланың шынайы эмоциясын көргісі келген.



Бағдарлама барысында бүлдіршін бағдарлама жүргізушісі Максим Галкинге бір сөзді қайталай беретінін бетіне басып, олай айтуға болмайтынын ескерткен. Артынан балақай жерде алғаш пайда болған адамдар мен динозаврлар туралы айта бастаған.


Макардың анасы әлемде талантты адамдар өте көп болғанымен, олардың көбісі өз қабілетін паш етуге асықпайтынын жеткізді.


 




Көрілген: 1741    Пікірлер: 0

сәрсенбі, 08.05.2019, 15:04

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31