Ислам діні

Мүфтият құрбандыққа шалынған малдың етін кімге тарату керек екенін айтты

  • Мүфтият құрбандыққа шалынған малдың етін кімге тарату керек екенін айтты

    Мүфтият құрбандыққа шалынған малдың етін кімге тарату керек екенін айтты

Биыл Құрбан айт мейрамы 11-13 тамыз күндеріне белгіленіп отыр. Қазақстан мұсылмандары діни басқармасы "Зекет" қорының директоры Талғат Омаров құрбандыққа шалынған малды еті кімге таратылатынын, діни мейрам кезінде арнайы акция ұйымдастырылатынын Sputnik Қазақстан тілшісі айтып берді.


Мүфтият 2019 жылы Құрбан айт мерекесі тамыз айының 11-13 күндері болатынын айтты. Имамдар құрбандыққа шалынған малдың етін үш бөлікке бөліп тарату – мұстахаб екенін айтады. Еттің бір бөлігі – туған-туыс, көршілеріне (олар бай болса да сыйға тартылады), екінші бөлігі – кедей және мұқтаж адамдарға, үшінші бөлігі – өзінің отбасына, бала-шағасына беріледі. Бірақ шалынған малдың етін түгелдей кедей-мұқтаждарға таратуға да болады.


"Көмек сұрап жатқан адам көп"

Талғат Омаров басқаратын қор ауқымды қайырымдылық шараларын ұйымдастырады. Ол Құрбан айт мерекесі аясында арнайы акция ұйымдастырылатынын айтты.


Астанада Құрбандық шалуға арналған жерлер

© PHOTO : НҰР-СҰЛТАН ҚАЛАСЫ ӘКІМДІГІНІҢ РЕСМИ САЙТЫНАН АЛЫНДЫ

Астанада Құрбандық шалуға арналған жерлер

"Құрбан айтқа байланысты біз акция ұйымдастырып жатырмыз. Көмек сұрап жатқан адам көп. Құрбандыққа шалынған малдың етін мұқтаж адамдарға таратуға көмектесеміз. Акция аясында 7 адам бірігіп, сиыр сойса немесе бір адам бір қой сойса, оның етін біз тегін таратып бере аламыз. Сондай-ақ, адамдарға көмек ретінде "ет бергіміз келеді" деген тұрғындар болса, +7 (707) 592 06 52, + 7 (701) 395 35 32 нөміріне хабарласуға болады", - дейді ол.


Қазақстан мұсылмандары діни басқармасы жанындағы "Зекет" қорының астана мен Алматыда бөлімдері бар. Қазіргі кезде қор көмекке мұқтаж жандарға азық-түлікті тегін таратып жатыр.


"Біз қайырымдылық шарасын жиі ұйымдастырып тұрамыз. Ал мешіттегі шараларға араласпаймыз", - деді Талғат Омаров.


"Құрбан айт – мал сою шарасы емес"

Қазақстан мұсылмандары діни басқармасының төрағасы, бас мүфти Серікбай қажы Ораз құрбандық– мал сою шарасы ғана емес, халықтың ынтымағын нығайтып, елдің ауызбіршілігін күшейте түсетін айтулы мереке екенін жеткізді.


"Бұл – Алла Тағаланың бізге тарту еткен мерекесі. Мұсылман баласының құлшылық амалдары жамағатпен және ауызбіршілікпен атқарылады. Құрбан айт соның үлкен айғағы. Бұл мереке исі мұсылманның бірлігі мен берекесін тағы да паш ете түседі. Біз пайғамбарымыздың және сахабалардың (көпшіліктің) жолын ұстанушы үмбетпіз. Қажылық, құрбандық, жамағатпен оқылатын намаздар және тағы басқа игі амалдар мұсылманды бірлікке тәрбиелейді", - дейді ол.


Сонымен қатар ҚМДБ өкілдері Құрбан айтта елордадағы Әзірет Сұлтан, Нұр Астана, Сәдуақас қажы Ғылмани мешіттерінде құрбандық шалу акциясы жүргізіледі. Оған кез келген адам қатыса алады. Құрбандық еті елордадағы мұқтаж отбасыларға үлестіріледі.

 




Көрілген: 1012    Пікірлер: 0

дүйсенбі, 05.08.2019, 18:00

Достарыңмен бөліс:

2
  • СОҢҒЫ ЖАРИЯЛАНЫМДАР:
    3 Қазан, 10:09
    Ананың қарғысы...
    13 Қыркүйек, 12:17
    Тасқа қашалған аят
    5 Қыркүйек, 11:40
    Өтіріктен де ауыр күнә
    18 Тамыз, 14:06
    Қарыз алу дұрыс па?
    10 Тамыз, 11:21
    ҚҰРБАН ШАЛУ ҚИССАСЫ
    26 Шілде, 11:20
    Адам-ол кім?

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31