Нарық

"Әйелдер ипотекасына" қатысты тың ақпарат шықты

  • "Әйелдер ипотекасына" қатысты тың ақпарат шықты

200 мың теңгеден төмен жалақы алатын әйелдер алғашқы жарнаның 15 процентін, ал 200 мыңнан жоғары алатындар 20 процентін жинауы тиіс. Тұрғын үй құрылыс жинақ банкі жақын арада "Әйелдер ипотекасы" бағдарламасына қатысты мәлімдеме жасайды. Бұл туралы орталық филиалдың директоры Жансұлтан Матаев айтты, деп хабарлайды  Sputnik Қазақстан тілшісі.

Ипотекалық бағдарлама тұрғын үйді қаржыландыру саласындағы гендерлік теңдікті қамтамасыз етуге арналған.  

"Иә, жыл басында "Әйелдер ипотекасы" атты бағдарламаны бастауды жоспарлаған едік. Алайда пандемияға байланысты оны шегеруге шешім қабылданды. Қазіргі кезде бұл мәселе пысықталып жатыр. Жақын арада мәлімдеме жасаймыз", - деді Матаев орталық коммуникациялар қызметінде өткен онлайн брифингте.

Әйелдер ипотекасының шарттары
Өткен жылы Тұрғын үй құрылыс жинақ банкі әйелдерге арналған ипотека берілетінін мәлімдеген болатын. Сол кезде бағдарламаның шарттары да жарияланды. Атап айтқанда, 200 мың теңгеден төмен жалақы алатын әйелдер алғашқы жарнаның 15 процентін, ал 200 мыңнан жоғары алатындар 20 процентін жинауы тиіс. Жеңілдетілген ипотекаға жаңа үйден де, қайталама нарықтан да баспана алуға болады. Кредиттің шекті сомасы &ndash 30 миллион теңге.

Жоспар бойынша Азия даму банкі "Тұрғын үйді қаржыландыру саласындағы гендерлік теңдікке жәрдемдесу" жобасы аясында Тұрғын үй құрылыс жинақ банкіне 38 миллиард теңгені қарызға береді. Осы қаржының есебінен 4 мыңға жуық әйел жеңілдетілген ипотека рәсімдейді. 

Ресми мәліметке сәйкес, Қазақстанда 9 миллионнан астам әйел бар. Олардың ішінде отбасын асырап жатқандар да аз емес. Бірақ орташа жалақысы ер адамдардан төмен. Содан баспананы ипотекаға алу қиын. Осыған байланысты "Әйелдер ипотекасы" бағдарламасын қолға алуға шешім қабылданды.




Көрілген: 1036    Пікірлер: 0

сәрсенбі, 04.11.2020, 01:15

Достарыңмен бөліс:

  • СОҢҒЫ ЖАРИЯЛАНЫМДАР:
    25 Қаңтар, 12:04
    Доллар бағамы өсті
    19 Қаңтар, 12:05
    Доллар бағамы

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31