Нарық

Бағдат Мусин KazSat-2R жобасынан неге бас тартқанын түсіндірді

  • https://www.inform.kz/

    https://www.inform.kz/

Қазақстан KazSat геостационарлы спутник желелерінен бас тартып, төмен орбиталы спутниктік технологияларға басымдық бермекші, деп хабарлайды ҚазАқпарат тілшісі.

 

Цифрлық даму, инновациялар және аэроғарыш өнеркәсібі министрі Бағдат Мусин аталмыш шешімнің түпкі мәнін былай деп түсіндірді.

 

«Бізде KazSat-1 және KazSat-2 деген екі спутник бар. 2024 жылы KazSat-2 қолданыстан шығады. Баяғыдан бері осы мерзімде оны жаңа спутникпен алмастыру жоспарланған болатын. Бірақ, қазір Starlink, One Web сияқты төмен орбиталы спутниктердің технологиясы дамығандықтан, заман талабына бейімделуді ойластырып жатырмыз. Бір жыл бұрын ғана бұл технологиялар сынақтан өтпеген болса, қазір қолданысқа енгізіліп жатыр. Сондықтан біз керісінше аталмыш өндіріс орындарымен әріптестікке жол ашып жатырмыз. Бағана айтқан 1200 ауылға сапалы интернет жеткізу үшін Starlink, One Web, SES өндірушілерімен қатар келіссөз жүргізіп жатырмыз. Аталмыш ауылдарға интернет жеткізудің басқа жолы жоқ болғандықтан, осы заманауи спутник технологияларын пайдалануымыз керек», - дейді министр.

 

Оның сөзіне қарағанда қазір еліміз қолданып отырған KazSat геостационарлы спутниктердің мүмкіндігі төмен орбиталы спутниктердің шалымына да ілеспей қалған.

 

«Мен KazSat-2-ні алмастыратын KazSat-2R жобасын бұдан былай қарастырмауды ұсынған болатынмын. Әлемде жаңа технологиялар пайда болып жатқанда геостационарлық спутниктер олардың беретін жылдамдығын бере алмайды. KazSat-2 қазір секундына 8 Мбит интернет бере алады. Ал төмен орбиталы спутниктер 1 Гбит-ке дейін жылдамдық береді. Екеуін салыстыруға да келмейді. Біз уақыты өтіп бара жатқан технологияларға ақша салмауымыз керек. Керісінше замануи технология жасаушылармен әріптестіктің жолын іздейтін боламыз», - деді Бағдат Мусин.

 

Еске салсақ, бұдан былай ХҚО қызметкерлері дербес деректерге арнайы кодпен ғана кіретін болды. Бұған дейін Бағдат Мусин елімізде жерді ғарыштан бақылайтын спутниктер шығарылатынын айтқан болатын.

 

Сондай-ақ, Бағдат Мусин қазақстандықтарға әлеуметтік желіге тіркелген кезде дербес деректерді бермеуге кеңес берді.

 

 




Көрілген: 924    Пікірлер: 0

сейсенбі, 06.04.2021, 02:45

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31