Нарық

Шымкентте дизель отыны тапшы болып тұр

  • https://24.kz/

    https://24.kz/

Шымкенттегі мұнай өңдеу зауыты қайта іске қосылғанына бүгін алтыншы күн. Бірақ мегаполисте сұйытылған газ бен дизель отынының тапшылығы әлі де сейілген жоқ, деп хабарлайды «Хабар 24».

 

Жанар-жағармай бекеттерінде бағаның шарықтауы байқалады әрі әлі де талон арқылы сатылады. Оның өзінде көлік жүргізушілері сағаттап кезек күтеді.

 

Жанар-жағармай бекеттерінде сұйытылған отынның тапшылығынан баға бірден қымбаттады.

 

Бірнеше аптадан бері дизель отыны мен автогаз іздеген жүргізушілер қаланы шарлап сенделіп жүр.

 

Станцияларға жете алмай, бос ыдыс арқалаған жандарды да кезіктіруге болады.

 

Блиц 1:

 

- Мен өзім ылғи талонмен құямын. Ол жағын енді айта алмаймын. Талоны жоқтар не істейтінін айта алмаймын шынын айтқанда.

 

Блиц 2:

 

- Білмеймін ешқандай. Барлық жерде «солярка жоқ», дейді. Газ жоқ. Су құйып жүре беремін.

 

Ең әуелі дизель отынының тапшылығынан ауыр жүк көліктері едеуір қиындыққа тап болды. Қауын – қарбыз артып, көкөніс тасымалымен айналысатын олар шығынға шаш етектен батамыз ба деп алаңдайды.

 

Ринат Фарфазидинов, жүргізуші:

 

- Біз Жетісайдан қауын артып алдық. Тез бұзылатын тауар болғасын алаңдап отырмыз. Ол жақта дизель литіріне 250 теңгеден саудалануда. Сүйтіп Шымкенттен құямыз деп ойладық. Ал мұндағы жағдай тіпті қиын. Таңғы бес пен алтылардың шамасында келдік. Әлі кезек күтіп тұрмыз. Мұнда «192 теңгеден» дейді.

 

Энергетика министрлігі Шымкент қалалық мұнай өңдеу зауытында жөндеу жұмыстары аяқталып, қалыпты деңгейде жұмыс істеп жатқанын айтады. Бензин мен дизель отынының өндірісі жолға қойылыпты. Әуелі оңтүстік өңірлерге жөнелтуге басымдық берілген.

 

Талғат Құрманбаев, ҚР Энергетика министрлігі мұнайды тасымалдау және қайта өңдеу департаментінің директоры м.а.:

 

- Жалпы ел бойынша 21 маусымдағы жағдай бойынша мұнай өнімдерінің қоры қолайлы деңгейде және бензин бойынша 195 мың тоннаны МӨЗ резервуарларында 32,1 мың тоннаны; дизель отыны бойынша 190 мың тоннаны МӨЗ резервуарларында 22,7 мың тоннаны құрайды. Барлық МӨЗ тәулік сайын мұнай өнімдерін өндірумен және ішкі нарыққа жөнелтумен штаттық режимде жұмыс істейді.

 

Жанармай бекеттерінің қызметкерлері ешнәрсе айта алмай отыр.

 

Ал, Шымкент қалалық әкімдігі мұнай өңдеу зауыты 13 маусымнан бастап қалыпты жағдайда жұмыс істеп жатқандығын ауызша айтумен шектелді.

 

 

 




Көрілген: 609    Пікірлер: 0

сейсенбі, 22.06.2021, 10:53

Достарыңмен бөліс:





  • СОҢҒЫ ЖАРИЯЛАНЫМДАР:
    6 Қыркүйек, 20:36
    TEDxAstana конференциясы

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30