Нарық

Темір жол билеттерінің құнын WhatsApp арқылы қайтаруға болады

  • Сурет :

    Сурет : "Жолаушылар тасымалы" АҚ

Жол жүру құжаттарын (билеттерді) және ақшалай қаражаттарын қайтару үшін "Жолаушылар тасымалы" АҚ жолаушылардан келіп түскен өтініштерді қабылдап және мәселені жедел шешу мақсатында 2020 жылдың 3 қыркүйегінен бастап WhatsApp +7-707-270-36-64 мессенджерін іске қосты, деп хабарлайды kaz.zakon.kz   "Жолаушылар тасымалы" АҚ баспасөз қызметіне сілтеме жасап.

 

Билеттер үшін төлемдерді қайтару тәртібі мен билетті сатып алу тәсіліне байланысты қолма-қол ақшамен және қолма-қол ақшасыз есеп айырысу арқылы жүргізіледі:

 

- Стансадан пойыз жөнелтілгенге дейін 1 сағаттан кешіктірмей билетті қайтарған шақта ғана ақша қаражаты 5 (бес) жұмыс күні ішінде төлеушінің картасына түседі;

 

- Стансадан пойыз жөнелтілгенге дейін 1 сағаттан кем уақыт аралығында билетті қайтарған кезде ақша қаражаты жолаушының өтініші негізінде талап қою тәртібімен 30 (отыз) күнтізбелік күн ішінде жолаушының картасына түседі.

 

Билет құнын қайтара алмаған жолаушылар WhatsApp +7-707-270-36-64 нөміріне хабарласып, ақша қайтару мәртебесін сұрастыруларына болады.

 

Сұрау салуды жіберген кезде жол жүру құжатының (билеттің) нөмірін көрсету керек немесе билет кассасына жүгінген кезде жол жүру құжатының (билеттің) фотосуретін және жол жүру құжатын (билетін) қайтару туралы түбіртекті жіберу қажет.

 

Ұлттық тасымалдаушы темір жол билеттерін қайтару үшін Қазақстан Республикасы Индустрия және инфрақұрылымдық даму министрінің 2015 жылғы 30 сәуірдегі № 545 бұйрығымен бекітілген Жолаушыларды, багажды, жүк – багажды және почта жөнелтілімдерін темір жол көлігімен тасымалдау қағидаларына (бұдан әрі-қағидалар) сәйкес жүргізілетінін еске салады.

 

Ережеге сәйкес жол жүру құжаттарын (билеттерді) қайтару кезінде:

 

- пойыз жөнелтілгенге дейін 24 сағаттан кешіктірмей - жол жүру құжатының толық құны қайтарылады;

 

- кемінде 24 (жиырма төрт) сағат бұрын, бірақ пойыз жөнелтілгенге дейін кемінде 6 сағат бұрын – билет құны және плацкарт құнының 50% қайтарылады;

 

- пойыз жөнелтілгенге дейін кемінде 6 сағат бұрын және жөнелтілгеннен кейін 1 сағаттан артық емес – билеттің құны қайтарылады, бұл ретте плацкарттың толық құны ұсталады.

 

Пойыз жөнелтілгеннен кейін 1 сағаттан соң жол жүру құжаттарын (билеттерін) қайтару жүргізілмейді және ақша қаражаты қайтарылмайды.

 

Жолаушылар пойызының қатынауы тоқтаған жағдайда жолаушылар жол жүру құжаттарын (билеттерін) қайтаруды ресімдеп, ақшалай қаражаттарын толық көлемде қайтарып ала алады.

 

Естеріңізге сала кетейік, жолаушылар жол жүру құжаттарын (билеттерді) сатып алған орны бойынша қайтару керек.

 




Көрілген: 429    Пікірлер: 0

бейсенбі, 03.09.2020, 17:05

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31