Нарық

Зейнетақы жинақтарын пайдалану: процентсіз ипотека қаншалықты тиімді

  • Зейнетақы жинақтарын пайдалану: процентсіз ипотека қаншалықты тиімді

    Зейнетақы жинақтарын пайдалану: процентсіз ипотека қаншалықты тиімді

Банк өкілдерінің айтуынша, үй бағасының 50 процентін үш жыл бойы жинау керек. Кредиттің жартысын бірден салып, 5 проценттік ипотека алуға болмайды. Қазақстанда зейнетақы жинақтарын тұрғын үй жағдайын жақсартуға пайдалану жүйесі толығымен іске қосылды. Күні кеше Шымкент қаласының тұрғыны осы ақшаға бірінші болып ипотека рәсімдеп алды. Бүгінде осы бағдарламаға бірнеше банк қатысып отыр. Исламдық қаржыландыру тетіктері де қарастырылған. Sputnik Қазақстан тілшісі зейнетақы жинақтарына тиімді ипотека рәсімдеу шарттарын зерделеп көрді.

Банктің ипотекасы қымбатқа түсе ме?
Бүгінде зейнетақы жинақтарын пайдалану аясында негізгі оператордан бөлек тағы бірнеше банк арқылы ипотека алуға болады. Олардың ішінде Halyk bank, Банк ЦентрКредит пен Altyn bank бар. Үшеуі де ипотеканың түр-түрін ұсынады. Бірақ үй сатып алуға тимді деген екі бағдарламаны қарастыруға болады. Біреуі &ndash "Баспана-хит" болса, екіншісі &ndash "7-20-25" бағдарламасы. Мәселен, зейнетақы жинағын алған адам үйді алғаш рет алса, онда 7 проценттік ипотеканы рәсімдеуге мүмкіндік бар. Оның шарттары барлық банкте бірдей.

"7-20-25" бағдарламасы бойынша ипотека алсаңыз, 16 миллион теңгеге түсетін үйдің 20 процентін, яғни 3,2 миллион теңгесін алғашқы жарна ретінде салу қажет. Соның ішінде зейнетақы жинақтары да бар. 25 жылдың ай сайынғы ипотекалық төлемі 90 500 теңге болады. Сонда сіздің жалақыңыздың көлемі осы төлемнен екі есе артық болуы шарт. Одан кем болса, қосалқы қарыз алушыны тарта аласыз", &ndash дейді банк қызметкерлері.
Ал зейнетақы жинақтарының есебінен екінші немесе үшінші үй алынса, "Баспана-хит" бағдарламасын қолдануға тура келеді. Себебі оның шарттарында баспананың саны жағынан шектеу жоқ. Оның проценттік мөлшерлемесі &ndash 10,75. Ал жылдық сыйақының тиімді мөлшерлемесі 11,3 процентті құрайды. Кепілге сатып алынатын үйдің өзі қойылады.

"Осы бағдарлама бойынша 16 миллион теңгенің пәтері болса, 20 проценті &ndash алғашқы жарна, қалған ақша кредитке алынады. 15 жылға рәсімделетін ипотеканың ай сайынғы төлемі 143 481 теңге болады", &ndash дейді банкирлер.  

Оператордың шарттары қандай?
"Отбасы банкі" зейнетақы жинақтарын тұрғын үй алуға пайдалану бойынша бірыңғай оператор ретінде тағайындалған болатын. Бұрын тұрғын үй құрылысы жинақ банкі болған мекеменің шарттары өзгермеген. 5 проценттік ипотеканы да рәсімдеуге болады. Алайда ондай кредит бірден берілмейді. Үй бағасының 50 процентін, кем дегенде, үш жыл жинау керек. Кредиттің жартысын бірден салып, 5 проценттік ипотека алуға болмайды. 

"Ақшаны үш жыл жинамай, 50 процентін бірден салған адамдар бірден 5 проценттік кредит ала алмайды. Себебі ол ақша үш жыл тұрғын үй жинақ жүйесінде жатуы керек. Әйтпесе, әділетсіздік болады. Біреулер үш жыл жинайды. Содан кейін ғана 5 проценттік кредит алады. Ал кейбіреулер 50 процентін құйып, бірден сондай кредит алғысы келеді", &ndash дейді орталық филиалдың директоры Жансұлтан Матай.

Оның айтуынша, ипотеканың жартысы бірден құйылса, ол ақша депозитте жатады. Оған жылдық мемлекеттік сыйақы жүреді. Оның көлемі &ndash 20 процент. Сондай-ақ, банктің 2 процент көлеміндегі үстемақысы қосылады. Бірақ ипотеканың мөлшерлемесі 8 процент болады.

"Себебі сіздің депозитіңіз үш жылдай тұрады. Ал үйдің ақшасы басқа қаржы көздерінің есебінен өтеледі. Үш жылдан кейін депозит нақты көрсеткіштерге жеткен соң, ипотеканың жартысын жабуға жіберіледі. Ал кердиттің мөлшерлемесі 5 процентке дейін төмендейді", &ndash деп атап көрсетті Матай.
Айтпақшы, зейнетақы жинақтарының есебінен пәтерді бірінші болып рәсімдеген шымкенттік жігіт те тура осы ипотеканы рәсімдеген. Оған 8 проценттік аралық займ берілді. Ал үш жылдың ішінде депозиттің барлық шарттары орындалса, проценттік мөлшерлеме 5 процентке дейін түседі.

Исламдық қаржыландыру қаншалықты тиімді?
Зейнетақы жинақтары есебінен тұрғын үй сатып алу ережесінде исламдық қаржыландыру тетіктері де қарастырылған. Бұл дегеніміз, "Al Hilal" банкі сияқты қаржы ұйымдарынан процентсіз ипотека рәсімдеуге болады. Осы банктің ресми сайтында исламдық ипотеканың бір түрі ғана көрсетілген. Ол &ndash  "Мурабаха" ипотекасы. Оның шарттарына сәйкес, банк пәтерді өзі сатып алады. Сосын оны үстеме бағамен сатады. Ипотека алған адам үйдің бағасын да, банктің үстеме бағасын да біліп отырады. Ал ай сайынғы жарналар барлық мерзімге тең бөлінеді. Бірақ ипотеканың мерзімі ұзарған сайын банктің үстеме бағасы да өседі.

Мысалы, 16 миллион теңгенің пәтерін алу үшін алдымен 30 процент, яғни 4,8 миллион көлемінде алғашқы жарна құю қажет. Ипотеканың мерзімі үш жыл болса, банктің үстеме бағасы 2 424 116 теңге болады. Ал ай сайынғы төлем 378 448 теңгені құрайды. 15 жылға рәсімделген "Мурабаханың" үстеме бағасы 12 миллионға дейін барып қалады.

"Al Hilal" банкі бұл ипотеканы тек төрт қалада ғана рәсімдейді. Олар &ndash Алматы, Нұр-Сұлтан, Шымкент пен Түркістан. Салық пен зейнетақы аударымдарын шегергеннен кейін жалақының көлемі, кем дегенде, 200 мың теңге болуы шарт.

Өтінішті қарау үшін комиссия алынбайды. Ал келісімді рәсімдегені үшін ақы алынады. Оның көлемі &ndash қаржыландыру сомасының 0,5 проценті. Бірақ ол 300 мың теңгеден аспауы тиіс.




Көрілген: 3299    Пікірлер: 0

жұма, 05.02.2021, 18:04

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30