Бұлардың қулығы сол

22 желтоқсан 2021, 11:39

Өзіміз қаралатын мемлекеттік емханада невропотолог, эндокринолог, гастрентолог  жоқ. Үшеуі де бізге ең керекті дәрігерлер. Үнемі  ақылы дәрігердің қызметіне жүгінеміз.

 

Талон алу, айлап басқа мамандарды күту жағын айта-айта қартайдық қой. Ана Цойдың орнына келетін министр осы жағын жөндеп берсе бәс тігер едім бар ғой.  

 

Қанша күн болды өзім медициналық қызметке жүгінгім келіп еді. Ақыры екі апта бойы кезек те келмеді, талон да болмады.

 

Сонымен бүгін тұрып алып, "қай дәрігерге жазылып едім өзі" деп ұмытып та қалдым. Бұлардың қулығы сол екен ғой. Дәрігердің кезегі келгенше кімге жазылғаныңды, қай жерің ауырғанын ұмытып қаласың. Былай қарасам ауырған жерім жазылып кеткен сияқты. Сосын қойшы,«бармай-ақ қояйынщы»,-деп ойлап үлгердім..

 

Ал осыдан кейін елдің дерті қайдан асқынбайды?!  Осыны ойлап алып поликлиникаға қарай амалсыз аяңдадым. Келсем жазылып қойған дәрігердің өзі өткен аптада жұмыстан шығып кетіпті. 

 

Сонда мен екі апта бойы кімді тостым,  нені тостым?

 

Енді босқа кеткен уақытымды есептеп ішім ашып келеді.

 

 

 

Қарлығаш Зарықхановна

Фейсбуктегі парақшасынан