Оларды бөліп, ат қою ақымақтық

Қызық екенсіздер. Оралман сөзі ол құжаттарға жеңілдік жасалу үшін берілген статус қана. Сол оралман куəлігінде куəлік азаматтық алғанша жарамды деп жазылатын еді. Демек азаматтық алған соң оның күші жойылады. Азаматтық алғанша бір жылдай уақыт кететін болса, сол бір жыл ғана оралман болып есептеледі. Ал азаматтық алған соң оралман да, қандас та, басқа да емес. Олар басқалармен тең құқықты азамат. Не үшін міндетті түрде ат қою керек?
Мысалы ер бала бір жыл əскерге барып келеді. Бір жыл бойы əскер, солдат атанады. Бірақ ешкім оны өмір бойы солдат демейді ғой. Сол сияқты бір жылдай ғана оралман статусымен жүрген адам азаматтық алған соң Қазақстан азаматы болады. Оларды бөліп, ат қою ақымақтық. Қасқырды бөрі деп атағанмен оның беделі өзгермейді.

Есет Калманов
Фейсбуктегі парақшасынан