Сен тұр - мен айтайын!

Тағдырдың табиғи ағысына қарсы келме!

  • Тағдырдың табиғи ағысына қарсы келме!

    Тағдырдың табиғи ағысына қарсы келме!

Өмір тыныс алу мен дем шығарудан тұрады. Тынысты қабылдамасаң тұншығып өлесің. Алған деміңді сыртқа шығармасаң да солай. Адам басындағы тағдыр да қиыншылық пен қуаныштан, түрлі оқиғалардан құралады. Тыныс алып, дем шығарғаның секілді өмірдегі қиыншылықтарды қабылдай біл. Қабылдай алсаң, босатуың да оңай. Ал «Неге менің басыма келді?, Мен бұған лайық емес едім», - деп еңкілдеп жылап, іштей қабылдай алмай ұзақ уақыт қарсылық танытсаң, қатты қиналасың, мүжілесің. Бірақ соңында көнесің. Қабылдайсың.
Расында қиыншылық дегеніміз өмірдегі кейбір өзің қаламаған оқиғаларға деген ішкі қарсылығың және содан туындаған жағымсыз эмоцияңнан басқа ештеңе емес. Сен тап болған қиыншылықтың жылдар өткеннен кейін саған ешбір ауыртпалығы жоқ қой. Олай болса, бұл қиындық та өткінші екендігін ұмытпағын. Қиыншылықтың, басыңа түскен түрлі ауыр жағдайлардың емі – тағдырға шынайы иман келтіру. Әлемде ешбір нәрсе кездейсоқтық емес. Сондықтан тағдырдың табиғи ағысына қарсы жүзбе! Жаратқанның өзіңе жолдаған сансыз жақсылықтарын қуанышпен қабылдағаның секілді қиыншылығын да қабылдай біл. Мына өмірде жарық күндіз болғаны секілді қараңғы түн де бар. Жайма шуақ жылы жаз болғаны тәрізді қақаған суық қыс та бар. Қуаныш болғаны сияқты қиындық та бар. Тіпті, Алланың қойған осы керағарлық заңдылығы болмағанда, қуанышты да, жарық пен жылуды да түсіне алмас едік. Бұл әділдік. Бұл Алла қойған мына сынақ өмірдің заңдылығы.
Әр оқиға саған ұстаз. Әр қиыншылықтың саған берері бар. Ендеше, оқиғалардың астырына үңіліп, сабақ ал да өміріңді ары қарай жалғастыр. Басыңды көтеріп, алдыға қарай жылжый бер. Іштей қабылда да, өзгертуге болатын тұсын жөндеуге әрекет ет. Ал өзгерте алмайтын жағдайлар мен оқиғалар үшін қатты қайғырма, қабылда және босат! Аллаға қатысты істерді де бақылауға алып, уысыңда ұстауға талпынба! Тағдырыңа риза болу дегеніміз осы. Ризашылық мақамы бұл ізгі жанның жететін биік рухани мақамы. Бұл жайлы Құранда: «Ей көңілі иманмен тыныштыққа бөленіп, жүрегі жай тапқан адам, Алладан сен разы, ол сенен разы болған күйде Раббыңа қайт» делінген.

KEMEL ADAM кітабынан

Kairat Zholdybaiuly Mambetbayev

Фейсбуктегі парақшасынан




Көрілген: 902    Пікірлер: 0

бейсенбі, 08.04.2021, 08:55

Достарыңмен бөліс:



  • СОҢҒЫ ЖАРИЯЛАНЫМДАР:
    27 Наурыз, 10:41
    29 жыл ғана қалды
    26 Наурыз, 10:31
    Не дейін, не дейін...

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30