Үйде жатсақ ешкім бізге әділ сайлау өткізбейді
Ертең сайлаудың шешімі қалай шықса да өз басым ешкімге ренжімеймін.
Сайлауға бармаған, бақылаушы болмаған, сайлаудың әділ өтуіне кішкентай болса да үлес қоспаған адамдар да ренжімеу керек деп ойлаймын.
Ренжімеңіздер көбіміз жазу мен сөйлеуден аспай жатырмыз. Нақты іске жоқпыз. 5 жылда келетін сайлау әйтпесе. Өзім де адам іздегенде 1 ақ адам таптым.
Бақылаушы ұйымдар да сол. Олар да адам таппайды екен. “BAQYLA” сияқты ұйымдарға рахмет айту керек қайта. Басқа да мен білмейтін ұйымдарға рахмет.
Келешекте мүмкін бұны ақылы қылу керек шығар. Ең болмағанда ақшаға бақылаушы болады. Әзірге бұл тұрғысынан ақсап тұрмыз.
Бағана Сапарбек ағамыз ертеңгі сайлауға болжамын жасапты. Бір кісі өтірік сен Нұрботсың деп кетіпті. Бақылаушы боласыз ба? Сайлауға барасыз ба десем жоқ дейді.
Көбіміз сайлаудың әділ өткенін қалаймыз. Бірақ үйде жатсақ, жұмыста болсақ ешкім бізге әділ сайлау өткізбейді. Әрекет ету керек.
Сабит Рысбаев
Фейсбуктегі парақшасынан
