Мистика. Қиял-ғажайып. Түс жору

Өзенді теріс ағызған Қарымбай әулие

  • Сурет ғаламтордан

    Сурет ғаламтордан

Ұлан-байтақ қазақ жерінде, кезінде қара суды кері ағызған Қарымбай әулие, айшылық жерде не болып жатқанын, тіпті алда не боларын көзбен көріп тұрғандай сезіп, біліп отыратын Ескелді баба, кез келген дерттен құлан-таза айықтыра алатын аузы дуалы емші Өтейбойдақ Тілеуқабыл, шипагер Көтен тәуіп сияқты Алланың әмірімен қасиет қонған арқалы адамдар өмір сүрген.


Аталған киелі бабалармен теңестірмек ойдан аулақпын, алайда сол бабалардың жо­лын қуып, ізін басқан, алдына бойдағы дерті­нен арылдыруды тілеп келген жандардың жанына сая болып, емдеп, сауықтырып жіберетін шын мәнісіндегі қасиет қонған емшілердің кездесіп қалатыны рас.


Алайда «түсімде Алла тағала аян берді», «маған ғайыптан қасиет қонды» деп жариялап, көзбояу­шылықпен ем-дом жасаған болып, ол әрекеттерінен ештеңе шықпай, масқараға ұшырап жүрген емшісымақтар да баршылық. Мақалама арқау болып отырған, емшілік қасиетін көзбен көріп, өз басымнан өткер­ген­діктен осы шипагер жан туралы сөз қозғамақпын. Сонымен, ол кім?


Мәдетхан Әметханұлы Әдетхан 1970 жылы Қытайдың Алтай аймағы, Бұрылтай ауданында дүниеге келген. 1992 жылы ҚХР ШҰАР медициналық университетін бітіріп, қытайша емдеу мамандығын алып шыққан. Халық медицинасының магистрі. 2005 жылы тарихи Отаны – Қазақстанға келіп, еліміздің азаматтығын алды. Әлденеше сы­нақтардан өткен соң Қазақстан халық емшілері қауымдастығына мүше болып қабылданды, 2008-2009 жылдары Тараз, Түркістан қалаларында сол қауымдастық ұйымдастырған Халықаралық Конгреске қатысқан. Қауымдастық тарапынан бірнеше мәрте шеберлік сертификаттарына ие болып, алғыс хат, диплом және медальдармен марапатталған. Үйлі баранды.


…Жаныма жақын болғандықтан, тұрақты түрде жаздырып алатын қызықты да, көп қырлы, Талдықорған қаласынан атақты ақын Айтақын Бұлғақовтың редакторлық етуімен шығатын «Алатау» газетінің 2012 жылдың 31-мамырындағы санынан қаламгер Зәмзәгүл Әмірғалиева қарындасымыздың «Шипагер Мәдетхан» атты сұхбат-мақаласын оқыдым.


Өзімнің ширек ғасырдан бері сол жақ ті­­­­зем кілтілдеп ауырып, тіпті аяқ басуым мұң бо­­­­­­­лып қалатын кездерді жиі бастан кешетінмін. Оқи сала «жақсыдан шарапат» дегендей, газет­­те көрсетілген мекенжай бойынша Мәдетхан бауырымыздың жұмыс кабинетіне ат ба­сын тіреген едім.


Шипагерге кезекте тұрған адамдар біраз бар екен. Мұндай жерде бос қарап тұрасың ба, жағдайды білмек үшін ем-дом алушылармен әңгіме-дүкен құрып отырмын. Әр аудан, ауыл­дардан жиналған мұңдастардан білгенім: Бұл емшінің аузы дуалы, алақандары дертке дауа. Ауруыңды айтпай-ақ, тамыр ұстап тап басатын көрінеді.


Бұдан бұрын талай емші, медицина мекемелерінің дәрігерлері алдында емделген болып, тіземнің ауруына еш қайран болмағандықтан, Мәдетхан емшінің қабыл­дауына да онша сеніңкіремей, бір үміт, бір күдікпен кірдім.


Шипагеріміз өңі жылы, қарапа­йым­­ды­­­­­­­лық пен мәдениеттілік белгілері «менмұн­да­лап» тұрған жігіт ағасы екен.


– Қане, ақсақал, мына орынға жайға­сыңыз, – деп сыпайылықпен орындық ұсынған емші тамырымды ұзақ ұстады.


– Ой, ағатай, сол жақ тізеңіз көп жылдан бері ауырып, мазалап жүрген көрінеді.


– Рас, бауырым. Осының емін ешкім таба алмай-ақ қойды…


– Алла қолдаса, бір-екі емнен кейін өмірі ауырмағандай сауығып, атша шауып кетесіз –деп жылы жымиған Мәдетхан ем-домына кірісіп кетті…


Арада 25-30 минут өткен соң, отырған жерімнен өзі қолтықтай тұрғызды.


– Ал, аға, әрі-бері жүріп көріңізші…


Ой, Құдайдың құдыреті-ай! Тізем өмірі ауырмағандай, сап-сау! Бойымда да өзгеше бір жеңілдік бар. Әсіресе, ғимараттың жоғары қабаттарына көтерілгенде кілтілдеп ауыратынын білетіндіктен, баспалдақпен жоғары-төмен екі-үш қайтара түсіп, шықтым. Ғажап, түк те ауырмады.


Қане, Мәдетхан Әметханұлының шипа­герлік жолына шолу жасау мақсатында,емші­нің өз сөзін тыңдап көрелік.


– Алғаш Қаскелең қаласында ағам Еркінханмен бірігіп емдедім. Бізге анамыз Мәдәния Сахабақызы үйреткен балалар ­ау­­ру­ын емдеу барысындағы уқалау, тарау, нүктелеу амалдарын қытайдың өзім білетін нүктелік емдеу тәсілдеріне қосып, өзіміздің жаңа уқалау амалдарымызды таптық.


Бізге тегінде емшілік қасиет, бірінші Алла­ның берген, екінші нағашыларымыз Сахаба, Сақыш пен Сағдолла атты діндар, емші және ақын аталарымыздан жұққан қасиет. Ол аталарымыз Кеңес Одағы кезінде қудалау көріп, 1933 ­жылдары бала-шағала­рымен Қазақстан­нан үдере көшіп, Қытайдың Бұрылтоғай ауданына келіп қоныстанған. Сол марқұм нағашы атамыз ағам Жеңісханның түсінде аян беріп: «Балам, мен саған бойымдағының бәрін бердім. Неге соларды пайдаланып, жандары жапа шеккен адамдарды емдемейсің?» деп ғайып болыпты. Сонымен, үлкен нағашымыз ауданның бас имамы Әділбек Сахабаұлына келіп түсінде көргендерін баяндап береді. Ол кісі: Әкеміз көбінесе қандауырмен қан алып, банка төңкеріп емдейтін. Ол кісінің қасиеті жиеніне дарыған болды. Оның қолданған ем­деу құралдары бар еді, соны саған табыс­тайын – депті. Кейін сол ағамызды арнайы ша­­қырып, бір жарым ай бойы үшеуміз бірле­сіп зерделедік. Қазір осы емдеу тәсілдерімізді же­тіл­діріп, үлкен нәтижеге жеттік деп ойлаймын.


Мәдетхан Әметханұлы медицинада нақтылы емі табылмаған бас аурулары, талма, қан қысымының жоғарылауы, ревматизм, асқазанның созылмалы қабынуы, өт толу ауруларын емдейді. Сол сияқты, балалардың шыжың, минингит, теміреткі, қотыр, қалқанша без, жүрек, астма, бронхит, бел, аяқ-қол, гайморит, арқаның тартылуы, бедеулік, мойын мен бел ауруларын емдеп жазады.


Мәдетхан Әметханұлының шипалы алақанынан емделіп, сауығып кеткен жандардың ой-пікірлерін білдірген арнайы дәптер бетінде көптеген ауруларынан арылып, жазылып кеткен жандардың пікірлері де көптеп саналады екен. Әрине, олардың бәрінің тізімін жасаудың қажеті де, мүмкіндігі де жоқ.


Дәстүрлі медицинаны қытайдың және қазақтың ұлттық ем-домымен ұштастырып, Әметхан ұрпақтары – ағайынды Мәдетхан, Еркінхан мен Жеңісхан үшеуінің сол ем тәсілдерін жетілдіріп, өздерінің ерекше емдеу жолдарын ойлап тауып, білім мен тәжірибелерін халық игілігіне жемісті жұмсап жүруін – Алланың берген қасиеті, Құдайдың қолдауы деп қабылдағанымыз жөн.


Олай болса, Мәдетханның емдеу орны: Талдықорған қаласы, 3-шағын аудан «Кітап әлемі» дүкенінің екінші қабаты. тел: 87056709512, 87756861399. Ал Еркінхан емшінің мекенжайы: Қаскелең қаласы, Көктөбе көшесі, №11 үй, ұялы телефоны: 87057672164 екенін ем-дом іздеген жанның қаперіне салғым келеді.




Ғабдул-Сәбит ЮСУПОВ,

Қазақстан Журналистер одағының мүшесі
 




Көрілген: 2340    Пікірлер: 0

дүйсенбі, 08.04.2019, 10:20

Достарыңмен бөліс:

  • СОҢҒЫ ЖАРИЯЛАНЫМДАР:
    14 Сәуір, 23:19
    Қайта тірілген адам
    22 Наурыз, 22:42
    Сайтан неге адамға өш?
    13 Наурыз, 10:47
    Жылқышы қыздың киесі
    12 Наурыз, 11:04
    Суда қалқыған мүрде

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31