Сәбидің арқасында тікенегі бары рас па?
ТІКЕНЕК‼️
⠀
Сәбидің алғашқы күндерінде суға шомылдырып, май жаққанда арқасында тікенегі бар дегенді естіп көрдіңіз бе?!
⠀
Кейбір бала дүние есігін ашқанда тікенегімен туылады. Медицинада "ЛАНУГА"-баланың құрсақішінде өсетін түгі (жүні) деп атайды. Сол түк балаға массаж жасағанда шыға бастайды. Қап-қара әрі қолыңызға кәдімгідей тікені сезіледі. Қолға сезілгендіктен, біздің аналарымыз— ТІКЕНЕК деп атаған.
⠀
Көп жерлерде мұны - әйел жүкті кезінде "жеті қазынаның бірі-итке" немесе мысыққа кет деп жекірсе, аяғымен тепсе, сәбиіне "мысықтікен", "иттиме" шығады деп есептеген.
⠀
Сонымен қатар әйел жүкті кезінде көп пісте (шемішкі) шақса немесе жүкті кезінде көп назарланған болса шығады деп те есептейді. Тікені бар бала мазасыз, ұйқысы нашар, түнде қолды-аяққа тұрмай жылайды деп санаған.
⠀
Тікені бар баланы емдеу:
⠀
қойдың майымен тікендері толық кеткенше сылай беру керек;
⠀
су мен тұз қосып қамыр илеп арқасына домалатып өткізеді. Сонда тікенектер қамырға жабысып қалады. Ол қамырды кейін итке тастау керек сонда қайта тікенектер шықпайды деп есептеген.
⠀
ананың омырау сүтін ұнға араластырып, сол қамырды домалата отырып сипалаған. Қамыр тікенекті жинап алады.
⠀
күнделікті күнбағыс майымен сипалап, кейін тікенек ұштары көрінгенде ақырындап жұлып алып тастайды.
⠀
Негізі қазақта тікенек текті балаға шығады деп санаған. Ол көбінесе: арқада, аяқта, құйрық тұсында, қолында болады. Ол баланың: "Қолынан қақпаңдар, Аяғынан шалмаңдар, Арқасынан соқпаңдар"—деген. Меселін жықпасаңыз, елі үшін еңбек етер жігіт болады деп жақсылыққа жорыған. Әсіресе ер балаларда жиі кездеседі.
⠀
ТІКЕНЕК ТУРАЛЫ ЕСТУІҢІЗ БАР МА?
⠀
#қазақтың_халық_емі
gulsim_usenkyzy парақшасынан